Odisha News: ઓડિશામાં અર્નબ વાવાઝોડાને કારણે સતત પડી રહેલા ભારે વરસાદથી પૂર જેવી ગંભીર સ્થિતિ (Odisha Floods) સર્જાઈ છે. રાજ્યના ગંજમ જિલ્લામાં આશરે 300 ગામો પૂરનાં પાણીથી ઘેરાઈ જતાં સંપર્કવિહોણાં બન્યા હોવાના અહેવાલ છે. અહીં ફસાયેલા લોકોને સુરક્ષિત સ્થળે પહોંચાડવા માટે રાજ્ય સરકાર એરલિફ્ટની મદદ લેવાની તૈયારી કરી રહી છે. આ અંગે કેન્દ્રીય ગૃહ મંત્રાલય સાથે પણ સંપર્ક કરવામાં આવી રહ્યો છે. જોકે, ખરાબ હવામાનને કારણે હવાઈ બચાવ કામગીરીમાં મુશ્કેલી ઊભી થઈ શકે છે.
Odisha Floods; ઋષિકુલ્યા નદીમાં પાણીની સપાટી વધી, અનેક વિસ્તારોમાં પૂર
ગંજમ જિલ્લામાં છેલ્લા ત્રણ દિવસથી પડી રહેલા ભારે વરસાદ (Odisha Heavy Rain)ને કારણે ઋષિકુલ્યા નદીના જળસ્તરમાં વધારો થયો (Ganjam Flood News) છે. નદીના પાણી આસપાસનાં ગામો અને વિસ્તારોમાં ફરી વળતાં જનજીવન પ્રભાવિત થયું છે. સોરડા વિસ્તારમાં પૂરની અસર વધુ ગંભીર હોવાનું જણાવવામાં આવી રહ્યું છે. બીજી તરફ, અસ્કા વિસ્તારમાં પણ નદીનું પાણી જોખમના નિશાન નજીક પહોંચ્યું હોવાની માહિતી છે.
વરસાદ ચાલુ રહેશે તો આગામી સમયમાં પરિસ્થિતિ વધુ વણસી શકે છે. આથી સ્થાનિક વહીવટીતંત્ર નદીના જળસ્તર અને વરસાદની સ્થિતિ પર સતત નજર રાખી રહ્યું છે.
રસ્તાઓ બંધ થતાં બચાવ કામગીરીમાં મુશ્કેલી
પૂરના પાણીથી ઘેરાયેલા ગામો સુધી પહોંચવાના રસ્તાઓ બંધ થતાં રાહત અને બચાવ ટુકડીઓ માટે મુશ્કેલી ઊભી થઈ છે. NDRF સહિતની ટીમોને અસરગ્રસ્ત વિસ્તારોમાં પહોંચવામાં પડકારોનો સામનો કરવો પડી રહ્યો છે. માર્ગ દ્વારા પહોંચવું શક્ય ન હોય તેવા વિસ્તારોમાં ફસાયેલા લોકોને બહાર કાઢવા માટે હવાઈ મદદનો વિકલ્પ વિચારવામાં આવી રહ્યો (Airlift Rescue) છે.
ખરાબ હવામાનને કારણે એરલિફ્ટમાં વિલંબની શક્યતા
ઓડિશાનાં મુખ્ય સચિવ અનુ ગર્ગના જણાવ્યા અનુસાર, પૂરગ્રસ્ત વિસ્તારોમાં ફસાયેલા લોકોને સુરક્ષિત સ્થળે પહોંચાડવા સરકારની પ્રાથમિકતા છે. જોકે, સતત વરસાદ અને ઘેરા વાદળોને કારણે હેલિકોપ્ટર ઉડાડવામાં મુશ્કેલી આવી શકે છે. તેથી હવામાનની સ્થિતિને ધ્યાનમાં રાખીને બચાવ કામગીરી હાથ ધરવાની તૈયારી કરવામાં આવી રહી છે.
હાલમાં ગંજમ જિલ્લા વહીવટીતંત્ર સ્થિતિ પર નજર રાખી રહ્યું છે. પૂરગ્રસ્ત વિસ્તારોમાં બચાવ કામગીરી ક્યારે અને કેવી રીતે હાથ ધરાશે તે હવામાનની સ્થિતિ તથા વહીવટીતંત્રના નિર્ણય પર નિર્ભર રહેશે.
આ પણ વાંચો: રાજસ્થાનમાં અર્નબ વાવાઝોડાની અસરથી વરસાદ, પારો 3 ડિગ્રી ઘટતા ઠંડી વધી
આ પણ વાંચો: અર્નબ બાદ નવા વાવાઝોડાના સંકેત, બંગાળની ખાડીમાં લો-પ્રેશર સક્રિય?
આ પણ વાંચો: આંધ્ર-ઓડિશામાં અર્નબ ચક્રવાતની અસર
