Dabhoi News: ડભોઇના ધારાસભ્ય શૈલેષ મહેતા (MLA Shailesh Mehta)ના નિવેદનથી સ્થાનિક રાજકારણ ગરમાયું છે. ડભોઇમાં યોજાયેલા સ્નેહમિલન કાર્યક્રમમાં અને મીડિયા સમક્ષ તેમણે જયેશ પટેલનું નામ લીધા વગર આડકતરા પ્રહારો કર્યા. જયેશ પટેલના બેનરો અને 500 ગ્રામ મીઠાઈના વિતરણ અંગે પણ તેમણે ટિપ્પણી કરી, જેનાથી ચર્ચાઓ તેજ બની છે.
MLA Shailesh Mehtaના સ્નેહમિલનમાં આડકતરા પ્રહાર
સ્નેહમિલન કાર્યક્રમ (Snehamilan Programme) દરમિયાન ધારાસભ્યએ કોઈનું નામ લીધા વગર બેનરો અને મીઠાઈ વિતરણ પર કટાક્ષ કર્યો હતો. તેમના નિવેદનને જયેશ પટેલ સાથે જોડીને જોવામાં આવી રહ્યું છે.
રેતી-માટી ચોરી અને CID તપાસનો દાવો

રેતી અને માટી ચોરીના આક્ષેપો અંગે મીડિયા સમક્ષ બોલતા શૈલેષ મહેતાએ દાવો કર્યો કે છોટાઉદેપુર (Chhota Udepur)માં રેતી ચોરી મામલે CID તપાસ ચાલુ છે. તેમણે કહ્યું કે ભાજપ પરિવારમાં છે ત્યાં સુધી બચાવીશું. પોતાની વાતના સમર્થનમાં તેમણે દાવો કર્યો કે તેમની પાસે ઓન રેકોર્ડ પુરાવા છે અને તેઓ કોઈનાથી ગભરાતા નથી. ધારાસભ્યએ દાવો કર્યો કે ડભોઇમાં સૌથી વધુ વિકાસ કામો થયા છે અને તેની માહિતી RTI (Right to Information) દ્વારા મેળવી શકાય છે.
ચૂંટણી પૂર્વે ગરમાયું રાજકારણ
વિધાનસભા ચૂંટણી (Assembly Election) નજીક આવતા ડભોઇ પંથકમાં ગામેગામ બેનરો લાગી રહ્યાં છે. આ વચ્ચે ધારાસભ્યના નિવેદનો અને દાવાઓએ રાજકીય ચર્ચાને વધુ વેગ આપ્યો છે.
આ પણ વાંચો: ધારાસભ્ય શૈલેષ મહેતાએ ભાયલીમાં અશાંત ધારો લાગુ કરવા CMને લખ્યો પત્ર
