મુંબઇ
હૃતિક રોશન ખુબ જ ઓછી ફિલ્મો કરે છે અને આ વાતની ફરિયાદ તેમના ચાહકોને પણ છે. હાલ તે ફિલ્મ ‘સુપર-30’માં કામ કરી રહ્યા છે. સાથે સાથે ટાઈગર શ્રોફ જોડે એક ફિલ્મ કરી રહ્યા છે.
આ દરમિયાન હૃતિક રોશન વધુ એક ફિલ્મ સાઈન કરી છે. હૃતિક વર્ષોથી ઈચ્છતા હતા કે એક હલકી ફૂલકી મસાલા મુવી કરે અને અંતે તેને રોહિત ધવનની ફિલ્મ સાઈન કરી જ લીધી.
રોહિત પ્રખ્યાત ફિલ્મ દિગ્દર્શક ડેવિડ ધવનનો પુત્ર છે. મસાલા ફિલ્મો બનાવવી તે તો તેમના લોહીમાં જ છે. તેણે દેશી બોય અને ઢીશુમ ફિલ્મ બનાવી છે.
હૃતિકને લઈને તેઓ મસાલા ફિલ્મ બનાવશે જેમાં ડાન્સ અને એક્શનનું કોમ્બીનેશન હશે.આ સાથે એક હાસ્યનું આવરણ પણ હશે. સાજિદ નડિયાદવાલા આ ફિલ્મનું નિર્માણ કરશે.
