પાકિસ્તાનમાં કાશ્મીર મુદ્દાને લઈને રાજકીય હલચલ તીવ્ર બની રહી છે. વડાપ્રધાન ઇમરાન ખાન સ્વતંત્રતા દિવસ (14 ઓગસ્ટ) ના રોજ પાકિસ્તાનના કબજા હેઠળના કાશ્મીર (પોક) ની મુલાકાત લેશે. આ સમય દરમિયાન, અન્ય મંત્રીઓ પણ તેમની સાથે રહેશે. ખાન POKની વિધાનસભામાં પણ જશે.

પાકિસ્તાની મીડિયામાં પ્રકાશિત અહેવાલ મુજબ વડા પ્રધાન કાર્યાલયના એક નિવેદનમાં આ માહિતી આપવામાં આવી છે. તેમાં કહેવામાં આવ્યું છે કે વડાપ્રધાન ‘આઝાદ જમ્મુ-કાશ્મીર’માં સ્વતંત્રતા દિવસની ઉજવણી કરશે. પાકિસ્તાન તેના કબજાવાળા કાશ્મીરને ‘આઝાદ જમ્મુ અને કાશ્મીર’ કહે છે.

ઇમરાન ખાન વિધાનસભાને સંબોધન કરશે       

ઇમરાન ખાન POK વિધાનસભાને સંબોધન કરશે. પાકિસ્તાનના વડાપ્રધાનના આગમનમાં પાકિસ્તાનનું રાષ્ટ્રગીત ગવાશે અને ઇમરાન ખાનને ગાર્ડ ઓફ ઓનર આપવામાં આવશે. પીએમ ઇમરાન ખાન પીઓકે સચિવાલયની મુલાકાત પણ લેશે.

પાકિસ્તાને પહેલેથી જ જાહેરાત કરી દીધી છે કે તે 14 ઓગસ્ટના રોજ સ્વતંત્રતા દિવસની ઉજવણી કાશ્મીર એકતા દિવસ તરીકે અને ભારતીય સ્વતંત્રતા દિવસ (15 ઓગસ્ટ) મનાવશે.પાકિસ્તાન સરકારે ‘કાશ્મીર એકતા દિવસ’ માટે વિશેષ લોગો પણ બહાર પાડ્યો છે, જેના પર ‘કાશ્મીર બનેગા પાકિસ્તાન’ સૂત્ર લખાયેલું છે.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.