ગુજરાતની બીજી સૌથી માટી નદી તાપી પણ હાલ બે કાંઠે જોવા મળી રહી છે. સુરત શહેરમાંથી પસાર થતી તાપી નદી બે કાંઠે જોવામાં આવતા તંત્ર એલર્ટ પર આવી ગયું છે, તો સુરતવાસીઓનાં જીવ પડીકે બંધાયા હોવાનુું સામે આવી રહ્યું છે. તાપી નદી પરનાં સૌથી મોટા ડેમ ઉકાઇ ડેમમાં પાણીની ભારે આવક થતા ઉકાઈ ડેમમાંથી 1.12 લાખ ક્યુસેક પાણી છોડાયું હોવાનાં કારણે તાપી નદીનાં જળસ્તરમાં અચાનક જ ધરખમ વધારો નોંધવામાં આવી રહ્યો છે.
આ પણ જુઓ……..
આપને જણાવી દઇએ કે ઉપરવાસમાં ભારે વરસાદને કારણે ઉકાઇ ડેમમાં 1.60 લાખ ક્યુસેક પાણીની આવક થઇ રહી છે, જેને પગલે ઉકાઈ ડેમની જળસપાટી 337.30 ફૂટ પર પહોંચી ગઇ છે.
345 ફૂટની જળસપાટીએ ઉકાઇ ડેમની ભયજનક સપાટી આંકવામાં આવતી હોવાથી હાલ પાણીની સપાટી ડેમની ભયજનક સપાટીથી માત્ર 8 ફૂટ દૂર છે. જે એક દિવસમાં ભય જનક સપાટીને અડકી જશે તેવો તંત્ર દ્વારા અંદાજ માંડવામાં આવી રહ્યો છે. તો સાથે સુરત શહેર અને જિલ્લામાં અવિરત વરસાદ વરસી રહ્યાનું પણ સામે આવી રહ્યું છે. ત્યારે સુરતવાસીઓએ તાપીનાં પાણીનો કહેર પહેલા પણ અનેક વખત જોયો હોય તમામનાં જીવ પડીકે બંધાઇ ગયા છે.
જુઓ સમગ્ર અહેવાલ મંતવ્ય ન્યૂઝ પર……
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
