સુપ્રીમ કોર્ટ તરફથી લીલી ઝંડી મળ્યા બાદ માર્ક્સવાદી કમ્યુનિસ્ટ પાર્ટીના મહાસચિ સીતારામ યેચુરી જમ્મુ-કાશ્મીર જવા રવાના થયા છે. તેણે પોતાના ધારાસભ્ય અને મિત્ર એમ વાય તરિગામીને મળવા માટે કોર્ટથી મંજૂરી માંગી હતી.
ચીફ જસ્ટિસ રંજન ગોગોઇએ કહ્યું હતું કે અમે તમને તમારા મિત્રને મળવાની મંજૂરી આપીશું, પરંતુ આ સમયે તમે અન્ય કોઈ કામ કરી નહિઁ શકો. બીજી બાજુ, જમ્મુ-કશ્મિરમાં કલમ 370 નાબૂદ કર્યા બાદ 25 મા દિવસે જમ્મુના પાંચ જિલ્લોમાં ગુરુવારે મોબાઇલ સેવા પુનસ્થાપિત કરવામાં આવી છે.
આ પહેલા માકપા નેતા જમ્મુ-કાશ્મીરની મુલાકાત માટે બે પ્રયાસો કરી ચૂક્યા હતા. એકવાર, સીપીઆઈએ મહાસચિવ ડી.રાજા સાથે અને બીજી વખત વિરોધી પક્ષોના પ્રતિનિધિમંડળ સાથે જવાનો પ્રયાસ કર્યો હતો. જમ્મુ-કાશ્મીર પ્રશાસનના આદેશથી તેમને શ્રીનગર એરપોર્ટથી બંને વખત પરત ફરવું પડ્યું.
બુધવારે સીતારામ યેચુરીની અરજીની સુનાવણી કરતાં ચીફ જસ્ટિસ રંજન ગોગોઈએ કહ્યું કે સરકાર યેચુરીને કેમ રોકી રહી છે? તે દેશનો નાગરિક છે અને જો તે તેના મિત્રને મળવા માંગે છે તો તેને મળવા દો.
આ અંગે સોલિસિટર જનરલે કહ્યું કે તે કોઈ પર્સનલ નહિઁ, પોલિટિકળ વિઝિટ હતી. જો કે ચીફ જસ્ટિસે કહ્યું કે અમે ફક્ત તેમને તેમના મિત્રને મળવાની મંજૂરી આપી રહ્યા છીએ. વળી, કોર્ટે યેચુરીને સ્પષ્ટ કહ્યું કે તમારે ધ્યાન રખવાનું છે કે તમને ફક્ત મિત્રની મુલાકાત લેવાની મંજૂરી છે. તમે ત્યાં જઈને કોઈ રાજકીય પ્રવૃત્તિ કરી શકતા નથી. અન્ય કોઈપણ કામમાં કોઈપણ પ્રકારની સંડોવણી કોર્ટના આદેશનું ઉલ્લંઘન માનવામાં આવશે. આ અંગે સીપીઆઈના જનરલ સેક્રેટરી યેચુરીએ કહ્યું હતું કે તે સૂચનાઓનું સંપૂર્ણ પાલન કરશે.
જમ્મુના 5 જિલ્લામાં મોબાઇલ સેવા પુનસ્થાપિત
ગુરુવારે સવારથી જમ્મુ-કાશ્મીરના પાંચ જિલ્લા ડોડા, કિશ્તવાડ, રામબન, રાજૌરી અને પૂંછમાં મોબાઇલ સેવા શરૂ કરવામાં આવી છે. બાકીના જિલ્લાઓમાં પ્રતિબંધો ચાલુ રહેશે. વહીવટ કહે છે કે વસ્તુઓ ધીમે ધીમે સામાન્ય થઈ રહી છે. પરંતુ સાવચેતી રૂપે, વધારાના સુરક્ષાદળો તૈનાત કરવામાં આવશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.