મોદી સરકાર દ્વારા જમ્મુ-કાશ્મીરમાંથી કલમ 370 હટાવવાના કેન્દ્રના નિર્ણય બાદથી જ પાકિસ્તાનના વડા પ્રધાન ઇમરાન ખાન ભારત વિરુદ્ધ સતત બચકાના નિવેદનો આપ્યા કરે છે. એટલું જ નહીં, તે અને તેના મંત્રી યુદ્ધની ધમકી આપી રહ્યા છે. એ જુદી વાત છે કે વિશ્વભરમાં ભારત વિરુદ્ધ તેમની કારી ફાવી રહી નથી.
આ સમયે જ ઇમરાન ખાનની પૂર્વ પત્ની રેહમ ખાને પણ ઇમરાન પર નિશાન સાધ્યું છે. રેહમે ઈમરાન ખાનને સવાલ કર્યો કે પાકિસ્તાનની અર્થવ્યવસ્થા તેના ખરાબ તબક્કામાંથી પસાર થઈ રહી છે અને તમે શું કરી રહ્યા છો. તેમણે PM મોદીની પણ પ્રશંસા કરી છે. રેહમ ખાનનો આ વીડિયો સોશિયલ મીડિયા પર વાયરલ થઈ રહ્યો છે.
વાયરલ વીડિયોમાં રેહમ ખાને કહ્યું કે લોકો PM મોદી અને ભારતની મોદી સરકાર કેમ ઇચ્છે છે, અને તેઓ તેમની સાથેના સંબંધોને કેમ બગાડતા નથી, કેમ કે તેમનું અર્થતંત્ર મજબૂત છે. રેહમે એમ પણ કહ્યું હતું કે ઘણા દેશો ભારતની સાથે છે અને રોકાણ કરી રહ્યા છે.
રેહમે PM મોદીની પ્રશંસા કરતા કહ્યું કે મોદી જ્યાં જાય છે ત્યાં તેમનું સન્માન કરવામાં આવે છે. સાઉદી અરેબિયાએ રોકાણ કર્યું છે, બ્રિટન તેમની સાથે છે, અમેરિકા તેમાં રસ ધરાવે છે. (આપને યાદ અપાવી દઇએ કે, સ્વાગત મામલે ઇમરાનની અમેરીકા યાત્રામાં કોઇએ ખબર સુધા ન હોતી પુછી અને મેટ્રોમાં સફર કરવી પડી હતી)
આ અગાઉ પણ રેહમ ખાને ઇમરાન ખાનની આકરી ટીકા કરી ચૂકી છે અને કહ્યું હતું કે ઇમરાને કાશ્મીર વેચી દીધું છે. રેહમે કહ્યું હતું કે ઇમરાન એ હકીકત સારી રીતે જાણે છે કે PM મોદી કાશ્મીર અંગે મોટો નિર્ણય લેશે.
જણાવી દઈએ કે ઇમરાન ખાન અને પત્રકાર રેહમ ખાને 2014 માં લગ્ન કર્યાં હતાં. પરંતુ થોડા મહિના પછી 2015 માં બંનેના છૂટાછેડા થઈ ગયા.છૂટાછેડા પછી રેહમે ઇમરાન પર ઘણાં સનસનાટીભર્યા આક્ષેપો કર્યા હતા.રેહમ ઈમરાનની બીજી પત્ની હતી.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
