SSPએ વિદેશી મહિલા પર બળાત્કાર ગુજારવાના આરોપી પોલીસ કર્મચારીઓ પર પ્રત્યેક(બે) 25 હજારનું ઇનામ જાહેર કર્યું છે. પોલીસ તેમની શોધમાં સંભવિત સ્થળો પર સતત દરોડા પાડી રહી છે. અત્યાર સુધી બંને આરોપી પોલીસકર્મી, પોલીસની પકડથી દૂર છે.

વાત જાણે એમ છે કે, 6 સપ્ટેમ્બરે વિદેશી મહિલાએ બે પોલીસ કર્મચારીઓ વિરુદ્ધ પોલીસ સ્ટેશનમાં રિપોર્ટ નોંધાવ્યો હતો. તેમાં એવો આક્ષેપ કરવામાં આવ્યો હતો કે, આગ્રામાં ફરજપ્રસ્ત કોન્સ્ટેબલ ધર્મેન્દ્ર ગિરી અને આકાશ પવારે તેમની સાથે દુષ્કર્મ કર્યું હતું. ફરિયાદમાં એવો આક્ષેપ કરવામાં આવ્યો હતો કે 31 ઓગસ્ટે આકાશે કોતવાલી વિસ્તારમાં ગેસ્ટ હાઉસ પર બોલાવીને વિદેશી મહિલા પર  દુષ્કર્મ કર્યું હતું. અને  જો તેનો વિરોધ કરવામાં આવશે, તો વીડિયો વાયરલ કરી દેવાની ધમકી આપે હતી.

પોલીસે અહેવાલ નોંધ્યા બાદ આરોપીઓની શોધમાં સંભવિત સ્થળો પર દરોડા પાડ્યા હતા, પરંતુ તેઓ હજી પણ પોલીસથી દૂર છે. ભૂતકાળમાં બંનેને સસ્પેન્ડ કરવામાં આવ્યા હતા. મથુરા પોલીસની બે ટીમો આગ્રા, શામલી, મેરઠ, બુલંદશહેર, નોઈડા અને દિલ્હીમાં વિવિધ સ્થળો પર તલાશ કરી રહી છે.

હજી સુધી તેને પોલીસ પકડવામાં સફળ રહી નથી. ત્યારે એસએસપી શાલભ માથુરે રવિવારે બંને પોલીસ કર્મીનાં માથે ઈનામ જાહેર કર્યું છે. એસએસપીએ જણાવ્યું કે, વિદેશી મહિલા સાથે દુષ્કર્મનો આરોપ લગાવવામાં આવ્યો છે, તે કોન્સ્ટેબલ ધર્મેન્દ્ર અને આકાશ પર 25-25 હજાર રૂપિયાનું ઇનામ જાહેર કરવામાં આવ્યું છે. તેમની ટૂંક સમયમાં ધરપકડ કરવામાં આવશે, પોલીસ ટીમો સતત તપાસ અને પોલીસ સમક્ષ હાજર થવા દબાણ કરી રહી છે.