કોલકાતાની ગલીઓમાં બુધવારે ફિલ્મી નજરો જોવા મળ્યો હતો. અહીં નોટોનો વરસાદ થઇ રહ્યો હતો.એક ગગનચુંબી ઇમારતથી નોટોનો વરસાદ થઇ રહ્યો હતો અને નીચે ઉભેલા લોકો તેને એકત્રિત કરવા દોડી રહ્યા હતા. આ બિલ્ડિંગની એક ઓફિસમાં ડીપાર્ટમેન્ટ ઓફ રેવેન્યુ ઇન્ટેલિજન્સ દ્વારા દરોડા પાડવામાં આવ્યા હતા અને ત્યારે જ નોટોનો નો વરસાદ શરૂ થયો હતો.

હવામાં ઉડી રહી હતી નોટો…

બેનટીંક સ્ટ્રીટ પર રહેતા અજમલ ખાને જણાવ્યું કે, ‘બપોરે લગભગ 3 વાગ્યે આ ઘટના વિશે સાંભળ્યું. હું મારા કાન પર વિશ્વાસ કરી શક્યો નહીં. મારી ઓફિસ નજીકમાં છે અને હું હોવા ગયો કે શું થઈ રહ્યું છે. જ્યારે હું તે બિલ્ડિંગ પર પહોંચ્યો ત્યારે મને જોઈને આશ્ચર્ય થયું કે 2000 અને 500 રૂપિયાની નોટો હવામાં તરતી હતી. આવકવેરા વિભાગથી થોડે દૂર સ્થિત ઈમારતમાં ઓરિએન્ટ સિનેમા બંધ થયા પછી બનાવવામાં આવી હતી અને તેની પાસે અનેક વ્યવસાયિક ઓફિસો હતી.

ઘટના સ્થળ પર હાજર ઘણા લોકો હવામાં ઉડતી નોટોને પકડવા દોડી ગયા, પછી અન્ય લોકોએ વીડિયો લેવાનું શરૂ કર્યું. એક પ્રત્યક્ષદર્શીએ અહેવાલ આપ્યો, ‘કોઈ છઠ્ઠા માળેથી બારીની બહાર નોટ ફેંકી રહ્યો હતો. બિલ્ડિંગના જ મકાનમાં જ નોટોના બંડલ પડી રહ્યા હતા પરંતુ રસ્તા પર જતા લોકો નોટોને પકડવા લોકોના ટોળા ઉમટ્યા હતા. પોલીસ સૂત્રોએ પુષ્ટિ આપી છે કે આસપાસના વિસ્તારમાંથી રૂપિયા 3.74 લાખ મળી આવ્યા છે.

અસલી કે નકલી?

પોલીસ સૂત્રોએ જણાવ્યું છે કે ગુપ્તચર વિભાગના અધિકારીઓ બપોરે 2:30 વાગ્યે એમકે પોઇન્ટ ઈમારતમાં પહોંચ્યા હતા. થોડી વારમાં જ છઠ્ઠા માળે બારી ખોલવા આવી અને કોઈએ રોકડ બંડલો ફેંકવાનું શરૂ કર્યું. જલ્દીથી, લોકોનું ટોળું ઈમારતની બહાર એકત્રીત થઈ ગયું. અધિકારીઓએ આ મામલે મૌન ધારણ કર્યું છે. જો કે, એક અધિકારીએ કહ્યું છે કે આ ક્ષણે તે કહી શકાય નહીં કે બારીમાંથી ફેંકી દેવાયેલી નોટો અસલી હતી કે નકલી.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.