ભારતીય ક્રિકેટ ટીમનાં પૂર્વ કેપ્ટન મહેન્દ્રસિંહ ધોની (એમએસ ધોની) નું વિકેટની પાછળ કોઈ પ્રતિસ્પર્ધી જ નથી. ધોનીએ તેની ચપળતા અને ફુર્તિથી ઘણી વખત આ સાબિત પણ કર્યું છે. આ ઉંમરે પણ, ધોની જે રીતે વિકેટ પાછળ કેચ પકડે છે તેનો કોઈ જવાબ નથી.
2019 માં હવે પૂર્ણ થવા જઇ રહ્યુ છે ત્યારે આ ફક્ત વર્ષનો અંત જ નહીં પણ એક દાયકાનો અંત પણ છે. 2010 નો દાયકો પૂર્ણ થવાને આરે છે. તેથી જ આપણે અહીં આખા દાયકાની વાત કરી રહ્યા છીએ. છેલ્લા દાયકામાં 38 વર્ષીય મહેન્દ્ર સિંહ ધોની વિકેટની પાછળ વનડે આંતરરાષ્ટ્રીય ક્રિકેટમાં સૌથી વધુ શિકાર કરનાર વિકેટકીપર બની ગયો છે. 2010 થી 2019 સુધીમાં તેણે 196 વનડે મેચોમાં કુલ 242 બેટ્સમેનોનો શિકાર કર્યો છે, જે વિશ્વ ક્રિકેટમાં કોઈપણ વિકેટકીપર માટે સૌથી વધુ છે. વિરામ હેઠળ ટીમ ઈન્ડિયાની બહાર રહેલા ધોનીએ આ વર્ષે આઇસીસી ક્રિકેટ વર્લ્ડ કપ 2019 ની સેમિફાઇનલમાં ન્યૂઝીલેન્ડ સામે તેની અંતિમ વનડે મેચ રમી હતી.
ધોની પછી આ યાદીમાં બીજા સ્થાને ઇંગ્લેન્ડનો વિકેટકીપર જોસ બટલર છે, જેમણે 141 વનડેમાં વિકેટ પાછળ કુલ 202 શિકાર બનાવ્યા હતા. ત્રીજા નંબરે શ્રીલંકાનો દિગ્ગજ વિકેટકીપર કુમાર સંગાકારા છે, જેણે 142 વનડેમાં 188 બેટ્સમેનોનો શિકાર કર્યો છે. બાંગ્લાદેશનો અનુભવી વિકેટકીપર મુશફિકુર રહીમ (147 વનડે, 175 શિકાર) ચોથા અને દક્ષિણ આફ્રિકાનો ક્વિન્ટન ડી કોક (114 વનડે, 166 શિકાર) પાંચમાં નંબર પર છે.
ધોનીએ 2010 થી 2019 દરમિયાન કુલ 196 વનડે મેચ રમી છે. આ સૂચિમાં ભારતીય ટીમનો હાલનો કેપ્ટન વિરાટ કોહલી 227 વનડે મેચ રમીને ટોચ પર છે. શ્રીલંકાનાં ઓલરાઉન્ડર એન્જેલો મેથ્યૂઝે આ દાયકામાં 196 વનડે રમી છે, જ્યારે ઇંગ્લેંડનાં કેપ્ટન ઇઓન મોર્ગને 195 વનડે મેચ રમી છે. આ યાદીમાં પાંચમાં નંબરે ટીમ ઇન્ડિયાના ડેપ્યુટી કેપ્ટન ‘હિટમેન’ રોહિત શર્મા છે જેણે 180 વનડે મેચ રમી છે.
‘માહી’ તરીકે ઓળખાતા ધોની આ દાયકામાં સૌથી વધુ વનડે જીતવાની યાદીમાં ટોચ પર છે. તેણે 71 વનડે મેચોમાં જીતી મેળવી હતી જ્યારે ઇયોન મોર્ગન 68 જીત સાથે બીજા ક્રમે રહ્યો હતો. ત્રીજા નંબર પર વિરાટ કોહલીનો નંબર આવે છે, જેના ખાતામાં 60 જીત છે. દક્ષિણ આફ્રિકાનાં દિગ્ગજ ખેલાડી એબી ડી વિલિયર્સ 59 જીત સાથે ચોથા ક્રમે અને એન્જેલો મેથ્યુઝ 49 જીત સાથે પાંચમાં ક્રમે છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
