પ્રથમ બે અઠવાડિયા સુધી, આ ખતરનાક વાયરસનાં ચેપથી પ્રભાવિત રાજ્યોમાંથી એક કેરળમાં સંક્રમણની ગતિ ધીમી પડી ગઇ છે. રવિવારે રાજ્યમાં ફક્ત 2 નવા કેસ નોંધાયા હતા જ્યારે 36 ચેપગ્રસ્ત લોકોને હોસ્પિટલમાંથી રજા આપવામાં આવી હતી. કેરળમાં કોરોના વાયરસનાં 375 કેસ સામે આવ્યા છે અને અત્યાર સુધીમાં 179 દર્દીઓ સંપૂર્ણ સ્વસ્થ થયા છે. વળી, રાજ્યમાં કોરોના વાયરસને કારણે બે દર્દીઓનાં મોત નીપજ્યાં છે. તાજેતરમાં કેરળમાં અનેક હોટસ્પોટ્સની ઓળખ કરવામાં આવી હતી. વળી, રાજ્યમાં હવે કોરોના વાયરસનાં કેસો નોંધપાત્ર રીતે ઘટ્યા છે. કેરળમાં અન્ય રાજ્યોની સરખામણીએ સંક્રમણથી ઉબરનારાઓનો દર ઉંચો રહ્યો છે.

રવિવારે, મહત્તમ 36 લોકો આ વાયરસનાં ચેપથી ઠીક થયા હતા, જે એક દિવસમાં ટીક થઇ રહેલા દર્દીઓની સંખ્યાની દ્રષ્ટિએ સૌથી વધુ છે. કેરળમાં, કોરોના વાયરસથી ઠીક થનારા લોકોની સંખ્યા હવે 179 (લગભગ 48 ટકા) પર પહોંચી ગઈ છે. આરોગ્ય અને પરિવાર કલ્યાણ મંત્રાલયનાં જણાવ્યા અનુસાર, દેશભરમાં કોરોના વાયરસનાં 8,447 કેસ નોંધાયા છે, જેમાંથી 765 સંપૂર્ણપણે ઠીક થઇ ગયા છે અથવા તેમને રજા આપવામાં આવી છે. આરોગ્ય મંત્રાલયનાં આંકડા મુજબ, કેરળમાં મહારાષ્ટ્રમાં સૌથી વધુ લોકો (142 ની સરખામણીએ 208) ઠીક થયા છે, પરંતુ મહારાષ્ટ્રમાં ચેપગ્રસ્ત દર્દીઓની સંખ્યા 1,761 છે, જે કેરળમાં નોંધાયેલા કેસોની સરખામણીએ પાંચ ગણી છે. રવિવારની સાંજ સુધીમાં, કેન્દ્ર સરકારનાં આંકડા મુજબ, દેશભરમાં રિકવરીનાં કેસોમાં કેરળનાં આંકડા 18 ટકા હતા.

26 માર્ચ સુધીમાં, કોરોના વાયરસનાં કેસોમાં મહારાષ્ટ્ર પછી કેરળમાં સૌથી વધુ કેસ સામે આવ્યા હતા. ત્યારબાદ, ઘણા રાજ્યોમાં કોરોના વાયરસથી સંક્રમિત દર્દીઓની સંખ્યામાં વધારો થયો છે અને આ રાજ્યોમાં ઘણા હોટસ્પોટ્સની ઓળખ કરવામાં આવી છે પરંતુ કેરળમાં તેની ગતિ અન્ય રાજ્યોની તુલનામાં ઓછી રહી છે. એક અધિકારીનાં મતે હોટસ્પોટ્સ તરીકે ઓળખાતા સ્થળોએ રોગ ફેલાવાના સંકેત નથી. કેરળમાં ચેપ અત્યાર સુધી ટ્રાવલ હિસ્ટ્રી ધરાવતા લોકો અને તેમના સંપર્કવાળા લોકો સુધી મર્યાદિત છે જેમને ક્વોરેન્ટાઇન કરવામાં આવ્યા છે. રાજ્યનાં અધિકારીએ કહ્યું કે, હવે તેમનું ધ્યાન પ્રાથમિક કોન્ટેક્ટ્સ પર છે. ઉચ્ચ જોખમ કેટેગરીમાંના તમામ સંપર્કોનાં નમૂનાઓનું ટેસ્ટ એક અઠવાડિયામાં પૂર્ણ થવાની ધારણા છે. જો કે, અમે તકેદારી ઘટાડી નથી અને સમુદાયનાં પ્રસારની સંભાવનાને ધ્યાનમાં રાખીને કામ કરી રહ્યા છીએ.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.