શરૂઆતમાં, વર્લ્ડ હેલ્થ ઓર્ગેનાઇઝેશન, વિશ્વભરમાં કોરોના વાયરસની સારવાર માટે ગેમચેન્જર ડ્રગ, હાઈડ્રોક્સિક્લોરોક્વીન વિશે ચિંતા વ્યક્ત કરી છે. સોમવારે, WHO એ સલામતીની ચિંતાને લીધે સાવચેતીના પગલા તરીકે મેલેરિયાની દવા હાઇડ્રોક્સિક્લોરોક્વિનનાં ટેસ્ટ પર અસ્થાયીરૂપે પ્રતિબંધ મૂક્યો હતો. WHO એ કહ્યું છે કે મેલોરિયાની દવા કોરોનામાં ન વાપરવી જોઈએ.

ગત અઠવાડિયે લેન્સેટમાં પ્રકાશિત થયેલા એક અભ્યાસનાં અહેવાલ બાદ વર્લ્ડ હેલ્થ ઓર્ગેનાઇઝેશન દ્વારા આ નિર્ણય લેવામાં આવ્યો છે. રિપોર્ટમાં કહેવામાં આવ્યું છે કે, આ દવાનો ઉપયોગ કોરોના દર્દીઓનાં મૃત્યુની સંભાવના વધારે છે. WHO ચીફ ટેડ્રોસ એધાનોમ ઘેબ્રેયેસસ એ સોમવારે વર્ચુઅલ પ્રેસ કોન્ફરન્સમાં આ માહિતી આપી. તેમણે કહ્યું કે, એક્ઝિક્યુટિવ જૂથે સોલીડેરીટી ટ્રાયલ અંતર્ગત હાલમાં HCQ પર હંગામી પ્રતિબંધ લગાવી દીધો છે. ડેટા સેફ્ટી મોનિટરિંગ બોર્ડ દ્વારા તેના ડેટાની સમીક્ષા કરવામાં આવશે. મેડિકલ જર્નલ ધ લૌન્સેટમાં પ્રકાશિત આ અધ્યયનાં લેખકો જણાવે છે કે, કોવિડ-19 ની સારવારમાં ક્લિનિકલ ટ્રાયલ સિવાય હાઇડ્રોક્સિક્લોરોક્વિન જેવી દવાઓનો ઉપયોગ ન કરવો જોઇએ. એન્ટિ-મેલેરીયલ ડ્રગ ક્લોરોક્વિન અથવા હાઇડ્રોક્સાઇક્લોરોક્વિનનો ઉપયોગ કોવિડ-19 દર્દીઓને કોઈ ફાયદો પૂરો પાડતો નથી, પછી ભલે તે એન્ટિબાયોટિક્સ એઝિથ્રોમાઇસિન અથવા ક્લિયરિથ્રોમાઇસિન સાથે તેનો ઉપયોગ કરે અથવા ન કરે.

હાઇડ્રોક્સિક્લોરોક્વિન એ મેલેરિયા માટે એક જુની અને સસ્તી દવા છે અને તે કોવિડ-19 ની સારવાર માટે યોગ્ય સારવાર માનવામાં આવે છે. આપને જણાવી દઈએ કે, યુનાઇટેડ સ્ટેટ્સનાં રાષ્ટ્રપતિ, ડોનાલ્ડ ટ્રમ્પ ખુદ કોવિડ-19 ની સારવાર માટે હાઇડ્રોક્સિક્લોરોક્વિનનો ઉપયોગ કરવાની હિમાયત કરી રહ્યા છે. તેમણે એમ પણ કહ્યું છે કે, તે કોરોના વાયરસથી બચવા માટે હાઇડ્રોક્સિક્લોરોક્વિનનો ઉપયોગ પણ કરી રહ્યા છે.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.