અમેરિકાનાં રાષ્ટ્રપતિ ડોનાલ્ડ ટ્રમ્પે તેમની સરકારને એચ-1 બી વિઝા સિસ્ટમમાં સુધારો કરવા અને મેરિટ આધારિત ઇમિગ્રેશન તરફ આગળ વધવાનો નિર્દેશ આપ્યો છે. વ્હાઇટ હાઉસનાં અધિકારીઓએ આ વાત કહી હતી. આ વર્ષનાં અંત સુધીમાં ટ્રમ્પે એચ-1 બી વિઝા સહિત અન્ય વર્ક વિઝાને અસ્થાયી ધોરણે સ્થગિત કરવા માટેનો આદેશ જારી કર્યો હતો.
આ પછી, વ્હાઇટ હાઉસે એક નિવેદનમાં કહ્યું, “અમેરિકા મેરિટ આધારિત ઇમિગ્રેશન સિસ્ટમ તરફ આગળ વધી રહ્યું છે.” વધુ કુશળ કામદારોને પ્રાધાન્ય આપવા અને અમેરિકન નાગરિકોની નોકરીની સુરક્ષા માટે ટ્રમ્પ સરકાર ઇમિગ્રેશન સિસ્ટમમાં સુધારા કરશે. વ્હાઇટ હાઉસે કહ્યું કે, આ સુધારાઓ હેઠળ, એચ-1 બી વિઝા પ્રોગ્રામને અગ્રતા આપવામાં આવશે, જેમને નોંધપાત્ર ઉંચા પગાર આપવામાં આવે છે. આ સિવાય ટ્રમ્પ સરકાર તમામ ભૂલો પણ દૂર કરશે. તેનો ફાયદો ઉઠાવતા, કંપનીઓ અમેરિકન કામદારોની જગ્યાએ સસ્તા વિદેશી કામદારોને રાખે છે.
વ્હાઇટ હાઉસે કહ્યું કે, આ સુધારા અમેરિકન કામદારોને સુરક્ષિત કરશે. ઉપરાંત, યુ.એસ. માં ફક્ત તે જ કર્મચારીઓને પ્રવેશ મળશે તેની ખાતરી કરવામાં આવશે, જે એકદમ કાર્યક્ષમ છે. ટ્રમ્પ સરકાર દ્વારા એચ-1 બી વિઝા આપવા પર અસ્થાયી પ્રતિબંધ ભારતીય વ્યાવસાયિકોને અસર કરી શકે છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
