મિત્રતા દિવસને આંતરરાષ્ટ્રીય Friendship Day તરીકે પણ ઓળખવામાં આવે છે, આ દિવસ મુખ્યત્વે મિત્રતાની ઉજવણી માટે ઉજવવામાં આવે છે. જોકે વિશ્વનાં ઘણા દેશોમાં ફ્રેન્ડશીપ ડે ની ઉજવણી કરવામાં આવે છે, પરંતુ ભારતમાં યુવાનોને તેનાથી ઘણો લગાવ છે. આ દિવસે દરેક તેમના શ્રેષ્ઠ મિત્રને યાદ કરે છે અથવા તેમની મીઠી યાદોને તેમની સાથે તાજા કરે છે. આપને જણાવી દઇએ કે, ફ્રેન્ડશીપ ડે વિશ્વનાં ઘણા ભાગોમાં 30 જુલાઈએ ઉજવવામાં આવે છે પરંતુ ભારતમાં તે ઓગસ્ટનાં પહેલા રવિવારે ઉજવવામાં આવે છે. આ વર્ષે 2 ઓગસ્ટનાં રોજ ઉજવવામાં આવી રહ્યો છે.
આ દિવસે બાળકો, યુવાનો અને વૃદ્ધ લોકોમાં પણ ખૂબ ઉત્સાહ હોય છે, તેની પાછળનું કારણ એ છે કે કોરોના વાયરસને કારણે ઘણા મિત્રો લાંબા સમયથી એકબીજાને મળ્યા નથી. આ વર્ષનો ફ્રેન્ડશીપ ડે ભિન્ન હોઈ શકે છે કારણ કે દર વર્ષની જેમ આ વખતે પણ રેસ્ટોરન્ટ, બાર અને અન્ય સ્થળોમાં ખૂબ ઓછી રૌનક જોવા મળશે. આવી સ્થિતિમાં, મોટાભાગનાં લોકો પોતાના મિત્રો સાથે ઓનલાઇન ઉજવણી કરશે. સામાન્ય રીતે આ દિવસે શાળાઓમાં બાળકો એકબીજાને ગિફ્ટ્સ અને ફ્રેન્ડશિપ બેન્ડ આપે છે, પરંતુ આ વર્ષે સ્કૂલ, કોલેજ બંધ હોવાને કારણે મિત્રો ખૂબ જ યાદી આવવાનાં છે. જોકે આ દરમિયાન ફ્રેન્ડશીપ ડે ને લઈને સોશિયલ મીડિયા પર મીમ્સનો પૂર આવી ગયો છે, ઘણા યુઝર્સ જુદા જુદા મીમ્સ શેર કરી રહ્યાં છે અને તેમના મિત્રોને ટેગ કરી રહ્યા છે.
આંતરરાષ્ટ્રીય Friendship Day વિશ્વનાં ઘણા દેશોમાં ઉજવવામાં આવે છે, જોકે પેરાગ્વે 1958 માં ફ્રેન્ડશીપ ડે નો પ્રસ્તાવ આપનાર વિશ્વનો પહેલો દેશ હતો. પરંતુ ઘણા નિષ્ણાંતો માને છે કે જોયસ હોલે 1930 માં હોલમાર્ક કાર્ડ્સ સાથે ફ્રેન્ડશીપ ડે ની શરૂઆત કરી હતી. ત્યારબાદ સંયુક્ત રાષ્ટ્રએ 30 જુલાઈને આંતરરાષ્ટ્રીય Friendship Day તરીકે જાહેર કર્યો હતો. ત્યારથી તે 30 જુલાઇએ જ ઉજવવામાં આવે છે. ભારત સહિત ઘણા દેશોમાં, તેની ઉજવણીની તારીખની પુષ્ટિ થઈ નથી. ભારતમાં, તે ઓગસ્ટનાં પહેલા રવિવારે ઉજવવામાં આવે છે. દક્ષિણ એશિયાનાં દેશોમાં ઓગસ્ટનાં પહેલા રવિવારે ફ્રેન્ડશીપ ડે ની ઉજવણી કરવામાં આવે છે. આંતરરાષ્ટ્રીય Friendship Day ની ઘોષણા પાછળ સંયુક્ત રાષ્ટ્રનો વિચાર શાંતિ પ્રયત્નોને પ્રેરણા આપવાનો હતો અને સમુદાયો વચ્ચે પુલ બનાવવાનો હતો.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.