રોહિત શર્માની મુંબઇ ઇન્ડિયન્સની ટીમે શાનદાર પ્રદર્શન કર્યું હતું અને દિનેશ કાર્તિકની કોલકાતા નાઈટ રાઇડર્સ ટીમને 49 રનથી હરાવી હતી. આઈપીએલ 2020 ની આ પાંચમી મેચમાં, એમઆઈનાં ખેલાડીઓએ ચોક્કસ અંદાજમાં પ્રદર્શન કર્યું હતું અને કેકેઆરનાં આમંત્રણ પર પ્રથમ બેટિંગ કરતા નિર્ધારિત 20 ઓવરમાં 5 વિકેટ ગુમાવ્યા બાદ 195 રનનો મોટો સ્કોર બનાવ્યો હતો.
કેપ્ટન રોહિત શર્માએ 80 અને સૂર્યકુમાર યાદવે 47 રનની ઇનિંગ્સ રમી હતી. તેના જવાબમાં કેકેઆરની ટીમે શરૂઆતથી જ વિકેટ ગુમાવી દીધી હતી અને તે ક્યારેય મેચ જીતી રહી હોય તેમ નજરે આવી ન હોતી. 20 ઓવરમાં ટીમ 9 વિકેટે 146 રન બનાવી શકી હતી. કોલકાતા તરફથી પાછળનાં ક્રમનાં પેટ કમિન્સ (33) ટોચનો સ્કોરર રહ્યો હતો. કમિન્સે પણ બુમરાહની એક ઓવરમાં ચાર સિક્સર ફટકારીને ક્રિકેટ ચાહકોને રોમાંચિત કરી દીધા હતા, પરંતુ ત્યાં સુધીમાં કોલકાતા મેચમાંથી લગભગ બહાર થઈ ગયું હતું, કેકેઆર 20 ઓવરમાં 146 નો સ્કોર બનાવી શકી હતી અને 49 રનનાં મોટા અંતરથી તેની પહેલી મેચ હારી ગઈ હતી. મુંબઈ તરફથી બોલ્ટ, પેટિન્સન, બુમરાહ અને રાહુલ ચહરે બે-બે વિકેટ ઝડપી હતી.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.