બિગ બોસ -14 ના પ્રીમિયર એપિસોડના શૂટિંગ બાદ હવે સલમાન ખાને તેની આગામી ફિલ્મનું શૂટિંગ શરૂ કરી દીધું છે. દબંગ ખાને ફિલ્મ ‘રાધે: યોર મોસ્ટ વોન્ટેડ ભાઈ’ ના શૂટિંગના સેટ પર 6 મહિના પછી વાપસી કરી છે. મીડિયા રિપોર્ટ્સ અનુસાર, ફિલ્મનું 80 ટકા શૂટિંગ પૂર્ણ થઈ ચૂક્યું છે. જોકે, ફિલ્મનું એક ગીત હજી શૂટિંગમાં છે. ફિલ્મનું શૂટિંગ માર્ચ સુધીમાં પૂર્ણ થવાનું હતું, પરંતુ કોરોના લોકડાઉનને કારણે આ શક્ય થઈ શક્યું નહીં. હવે સલમાને શૂટિંગના સેટ પર પાછા ફરવાની તસ્વીરો ચાહકો માટે સોશિયલ મીડિયા પર શેર કરી છે.
ફોટોમાં સલમાન બ્લેક કૂલ જેકેટમાં જોવા મળી રહ્યો છે. અભિનેતાની પાછળ કોમેરો તો સામે કાર અને બાઇક છે. આ ફોટાની સાથે સલમાને કેપ્શન લખ્યું- ‘6.5 મહિના પછી શુટ પર પરત ફર્યા. સારું લાગી રહ્યું છે. #રાધે. તો બીજી બાજુ દિશા પાટનીએ તેની એક ઇન્સ્ટાગ્રામ સ્ટોરી દ્વારા ફિલ્મ ‘રાધે’નું શૂટિંગ શરૂ કરવાની જાહેરાત કરી.
કોરોના વાયરસને ધ્યાનમાં રાખીને સેટ પર વિશેષ વ્યવસ્થા
મીડિયા રિપોર્ટ્સ અનુસાર, સલમાન ખાનની ફિલ્મના સેટ પર કોરોના વાયરસને ધ્યાનમાં રાખીને વિશેષ વ્યવસ્થા કરવામાં આવી છે. રિપોર્ટ અનુસાર, મુંબઈની બહાર શૂટ દરમિયાન દરરોજની મુસાફરીને ટાળવા માટે, નિર્માણ ટીમે એનડી સ્ટુડિયો નજીક એક હોટલમાં રાખવામાં આવ્યા છે, જ્યાં તમામ ટેક્નિશિયનો રોકાશે. શૂટિંગ દરમિયાન તેમને બહારના લોકોને મળવા દેવામાં આવશે નહીં. સમગ્ર ક્રૂની કોરોના પરીક્ષણ કરવામાં આવ્યું છે, જેમાં તમામ નેગેટીવ આવ્યા છે. બીજો ટેસ્ટ ટૂંક સમયમાં લેવામાં આવશે, જેમાં અભિનેતાઓ અને મુખ્ય ટીમ શામેલ હશે.
આપને જણાવી દઈએ કે ‘રાધે: યોર મોસ્ટ વોન્ટેડ ભાઈ’ ફિલ્મમાં સલમાન ખાનની અપોજિટ દિશા પાટની છે. દિશા અને સલમાનને ઓનસ્ક્રીન પર રોમાંસ કરતા જોવા ચાહકો ઉત્સાહિત છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
