દક્ષિણ આફ્રિકાના દેશ મોઝામ્બિકમાં એક ડરામણું દ્રશ્ય જોવા મળ્યું છે. ઇસ્લામિક રાજ્ય (આઈએસઆઈએસ) ના આતંકવાદીઓએ એક ગામના 50 લોકોનું શિરચ્છેદ કર્યું. આ ઘોર હત્યા ગામના ફૂટબોલના મેદાનમાં કરવામાં આવી હતી. એટલું જ નહીં, મરી ગયેલા લોકોના મૃતદેહને ટુકડા કરી જંગલમાં ફેંકી દેવાયા હતા. ગામની મહિલાઓનું અપહરણ કરાયું હતું.
આ ભયાનક ઘટના મોઝામ્બિક રાજ્યના કાબો ડેલગાડો રાજ્યના નાંજાબા ગામમાં બની છે. આ રાજ્ય કુદરતી ગેસ માટે પ્રખ્યાત છે. આપને જણાવી દઈએ કે 2017 થી અત્યાર સુધી ત્રણ વર્ષમાં આ વિસ્તારમાં ઇસ્લામિક આતંકવાદીઓ દ્વારા 2000 લોકો માર્યા ગયા છે. આ આતંકવાદીઓના ડરને કારણે લગભગ 4.30 લાખ લોકો રાજ્ય છોડીને વિવિધ સ્થળોએ ગયા છે.
vikas / ઘોઘા-હજીરા રો-પેક્સ ફેરી ત્રીજા જ દિવસે બંધ, મુસાફરો રઝળી પડ…
લોકોનું શિરચ્છેદ કર્યા પછી, તેમના મૃતદેહોને કાપી ને જંગલમાં ફેકીદીધા છે. જયારે મહિલાઓનું અપહરણ કર્યા બાદ, આતંકવાદીઓના અન્ય જૂથે ગામને આગ ચાંપી દીધી હતી. ગામના ઘણા મકાનો બળીને ખાખ થઈ ગયા છે. પ્રાપ્ત માહિતી અનુસાર આતંકવાદીઓ ગામમાં સૂત્રોચ્ચાર કરી મકાનો સળગાવવાનું શરૂ કર્યું લોકો ઘરોમાંથી બહાર આવતાની સાથે જ તેઓને બંદી બનાવી લેવામાં આવ્યા હતા અને તેમના માથાના શિરચ્છેદ કરવામાં આવ્યા હતા.
Bihar Result / નીતિશ કુમારની સાતમી શપથવિધિ, જાણો ક્યારે-ક્યારે બન્યા મુખ્યમ…
એટલું જ નહીં, એક અઠવાડિયા અગાઉ પણ આ આતંકીઓએ ઘણા ગામોમાં હુમલો કરી લૂંટ ચલાવી હતી. મુએડા જિલ્લાના એક સરકારી અધિકારીએ જણાવ્યું કે પોલીસને ઘટનાની જાણ ત્યારે થઈ જ્યારે કેટલાક લોકોએ જંગલમાં વિકૃત શબ જોયા. 500 મીટરની ત્રિજ્યામાં, 20 જેટલા મૃતદેહો મળી આવ્યા હતા.
આ ઘટના પહેલા માર્ચ અને એપ્રિલ મહિનામાં આવી જ ઘટના બની હતી. તે સમયે પણ 50 લોકોનું શિરચ્છેદ કરવામાં આવ્યું હતું. ઇસ્લામિક સ્ટેટના આતંકવાદીઓએ આ ઘટનાઓ એક્ઝોન મોબીલ અને ટોટલ ગેસ પ્રોજેક્ટ નજીક કરી હતી. આ ઉર્જા વિકાસ પ્રોજેક્ટ્સના આગમન પછી, છેલ્લા કેટલાક મહિનાઓમાં આ વિસ્તારમાં આતંકવાદી પ્રવૃત્તિઓમાં વધારો થયો છે.