અયોધ્યામાં ભવ્ય રામ મંદિર બનાવવામાં આવી રહ્યું છે, જેને ધ્યાનમાં રાખીને ત્યાં વિશાળ અને ભવ્ય રેલ્વે સ્ટેશન બનાવવાની યોજના પણ છે. આ રેલ્વે સ્ટેશનનું નામ અયોધ્યા ધામ સ્ટેશન હોઈ શકે છે. મળતી માહિતી પ્રમાણે, રામમંદિરની તર્જ પર રેલ્વે સ્ટેશન બનાવવાની તૈયારી પણ છે. એટલે કે, રેલ્વે સ્ટેશન રામ મંદિરનું પ્રતિબિંબ હશે. તેને બનાવવા માટે 104 કરોડ રૂપિયા ખર્ચ થશે.

કહેવામાં આવ્યું છે કે અયોધ્યા ધામ રેલ્વે સ્ટેશન તમામ ધાર્મિક રેલ્વે સ્ટેશન સાથે જોડવામાં આવશે. આ માટે ઘણી નવી ટ્રેનો શરૂ કરવાની પણ યોજના છે, જ્યારે કેટલીક ટ્રેનોના રૂટ ડાયવર્ટ કરવામાં આવશે.

ઉત્તરી રેલ્વે મેનેજર આશુતોષ ગંગલ સોમવારે અયોધ્યા ધામ રેલ્વે સ્ટેશનની બાંધકામની મુલાકાતે ગયા હતા.. આ દરમિયાન તેમણે અયોધ્યાના સાંસદ લલ્લુ સિંઘ, કન્સ્ટ્રક્શન એજન્સી રાઇટ્સ લિમિટેડ અને ડિસ્ટ્રિક્ટ મેજિસ્ટ્રેટ અનુજ ઝા સાથે બેઠક યોજી હતી અને રેલ્વે પ્રોજેક્ટ વિશે માહિતી આપી હતી.

તમને જણાવી દઈએ કે, રેલ્વે પ્રથમ તબક્કામાં એકસો ચાર કરોડના ખર્ચે ભવ્ય અયોધ્યા ધામ રેલ્વે સ્ટેશનનું નિર્માણ કરી રહ્યું છે. આ રેલ્વે સ્ટેશન રામ મંદિર મોડેલની તર્જ પર બનાવવામાં આવી રહ્યું છે, જેમાં બહારથી રામ જન્મભૂમિ મંદિરનો નજારો જોવા મળશે. અયોધ્યા ધામ રેલ્વે સ્ટેશન એવી રીતે વિકસિત કરવામાં આવી રહ્યું છે કે તે અયોધ્યા  મોડેલ સ્ટેશન જેવું લાગે.

તાજેતરમાં, ફૈઝાબાદ જંકશનનું નામ બદલીને અયોધ્યા કેન્ટ રાખવાની દરખાસ્ત મોકલવામાં આવી છે, તેવી જ રીતે અયોધ્યા રેલ્વે સ્ટેશનનું નામ હવે અયોધ્યા ધામ હશે. અયોધ્યા ધામ રેલ્વે સ્ટેશનને અન્ય ધાર્મિક સ્થળો સાથે જોડવા માટે વધારાની ટ્રેનો ચલાવવાની અને અન્ય ટ્રેનોના સ્વરૂપમાં ફેરફાર કરવાની પણ યોજના છે. આ જ તર્જ પર ફૈઝાબાદ દિલ્હી એક્સપ્રેસ અયોધ્યાથી દિલ્હી શરૂ થઈ રહી છે.

એ જ રીતે, તેને ઉત્તર રેલ્વે, ઉત્તર-પૂર્વ રેલ્વેમાં આવેલા અયોધ્યા રેલ્વે સ્ટેશનની બાજુમાં આવેલા રામઘાટ હલ્ટ રેલ્વે સ્ટેશન સાથે મર્જ કરવાની દરખાસ્ત પણ મોકલવામાં આવી રહી છે.

મંતવ્ય ન્યૂઝ દ્વારા જાહેર અપીલ –

દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…