અમેરિકાનાં નવા ચૂંટાયેલા રાષ્ટ્રપતિ જો બિડેને કહ્યું છે કે, ‘અમેરિકા માટે આ એક નવો દિવસ છે’. બુધવારે, બિડેન શપથ ગ્રહણ સમારોહની તૈયારીઓ વચ્ચે, યુનાઇટેડ સ્ટેટ્સનાં 46 માં રાષ્ટ્રપતિ તરીકે શપથ લેશે. રાષ્ટ્રપતિ ડોનાલ્ડ ટ્રમ્પનો રાષ્ટ્રપતિ પદ સમાપ્ત થયા બાદ અને વ્હાઇટ હાઉસ છોડ્યા બાદ બિડેને ટ્વીટ કરીને કહ્યું હતું કે, અમેરિકા માટે આ એક નવો દિવસ છે.

અમેરિકાનાં ઇતિહાસમાં સૌથી વધુ ઉંમરનાં રાષ્ટ્રપતિ બનવા જઈ રહેલા બિડેન શપથ ગ્રહણ કર્યા પછી તુરંત રાષ્ટ્રપતિ તરીકે દેશને પોતાનું પહેલું સંબોધન આપશે. ઐતિહાસિક ભાષણ વિનય રેડ્ડી દ્વારા તૈયાર કરવામાં આવ્યું છે, જે ભારતીય મૂળનાં અમેરિકન નાગરિક છે, જે એકતા અને સુમેળ પર આધારિત હશે. યુ.એસ. રાષ્ટ્રપતિનું પદ સંભાળ્યા પછી પ્રથમ દિવસે લેવામાં આવનારા પગલાઓનાં ભાગ રૂપે, બિડેન ઘણા મુસ્લિમ બહુમતીવાળા દેશોનાં મુલાકાતીઓનાં પ્રવેશ પરનાં પ્રતિબંધને સમાપ્ત કરશે અને યુએસ-મેક્સિકો સરહદ પર દિવાલ બનાવવાનું બંધ કરશે. જણાવી દઇએ કે, ગેરકાયદેસર ઈમિગ્રેશનને રોકવા માટે, ડોનાલ્ડ ટ્રમ્પે આ દિવાલ બનાવવાનો આદેશ આપ્યો હતો.

બિડેન શપથ લીધા બાદ પેરિસ ક્લાઇમેટ એકોર્ડ અને વર્લ્ડ હેલ્થ ઓર્ગેનાઇઝેશન (WHO) થી અમેરિકાને ફરીથી જોડશે. બિડેન શપથ લીધા પછી 17 ઓર્ડર પર હસ્તાક્ષર કરશે.

મંતવ્ય ન્યૂઝ દ્વારા જાહેર અપીલ –

દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…