રાજ્ય સરકાર દ્વારા કોરોનાના કેસોને ધ્યાનમાં લઈને 40 ટકા સીટિંગને લઈને બસ વ્યવહાર શરૂ કરવામાં આવ્યો છે. 40 ટકા સીટિંગને લીધે નોકરીયાત અને વિધાર્થીઓને ભારે હાલાકીનો સામનો કરવો પડી રહ્યો છે. જેને લઈને વિધાર્થીઓ અને નોકરીયાત વર્ગે વડોદરા એસટી ડેપો ખાતે ભારે હોબાળો મચાવ્યો હતો.
વડોદર એસટી ડેપો ખાતે નોકરીયાતવર્ગ અને વિધાર્થીઓએ બસ મથક બસો રોકીને ભારે હોબાળો મચાવ્યો હતો. જેમાં સરકાર દ્વારા કોરોના સંક્રમણ રોકવા સરકાર દ્વારા 40 ટકા સીટિંગ કેપીસીટી સાથે બસ સેવા શરૂ કરવામાં આવી છે. જેના લીધે નોકરીયાત વર્ગ તેમજ વિધાર્થી વર્ગ સમયસર પોતાના સ્થળે પહોચી શકતા ન હતા. જે બાબતે અનેક વખત ડેપોના ઉચ્ચ અધિકારીઓને રજૂઆત કરવા છતાં કોઈ પરીણામ આવવા પામ્યું ન હતું. વડોદરા એસટી બસ મથક ખાતે આજે વિધાર્થીઓ તેમજ નોકરીયાત વર્ગ દ્વારા હોબાળો મચાવી બસ રોકીને ઉગ્ર રોષ વ્યક્ત કર્યો હતો.
