Rajkot News: રાજકોટમાં અપૂરતા વરસાદને કારણે પીવાના પાણીની ચિંતા વચ્ચે રાહતના સમાચાર (Narmada Water Rajkot) સામે આવ્યા છે. સૌની યોજના હેઠળ છેલ્લા બે દિવસથી ન્યારી-1 ડેમમાં ફરી નર્મદાના નીર ઠાલવવાનું શરૂ કરવામાં આવ્યું છે. આજી-1 ડેમમાં હજુ પુરવઠો શરૂ થયો નથી, પરંતુ ટૂંક સમયમાં ત્યાં પણ નર્મદાનું પાણી પહોંચાડવામાં આવે તેવી શક્યતા છે. આથી આગામી ઉનાળામાં રાજકોટવાસીઓને પીવાના પાણીની મુશ્કેલી નહીં પડે તેવી આશા છે.

Narmada Water Rajkot: નર્મદાનીરનો પુરવઠો એક સપ્તાહ માટે અટક્યો હતો

રાજકોટમાં ચાલુ વર્ષે પૂરતો વરસાદ ન પડતાં આજી-1 અને ન્યારી-1 ડેમમાં (Nyari Dam)  પાણીની નવી આવક ઓછી રહી હતી. પીવાના પાણીની સ્થિતિને ધ્યાનમાં રાખીને રાજકોટ મહાનગરપાલિકાએ રાજ્ય સરકાર પાસે જૂન માસના અંત સુધી તબક્કાવાર 4000 એમએમસીએફટી નર્મદાનીર આપવાની માગણી કરી હતી. જોકે ટેકનિકલ કારણોસર નર્મદાના પાણીનો પુરવઠો લગભગ એક સપ્તાહ માટે અટકાવી દેવામાં આવ્યો હતો.

ન્યારી-1માં ફરી નર્મદાના પાણી શરૂ

પાણીકાપની સ્થિતિ ઊભી ન થાય તે માટે રાજકોટ મનપા દ્વારા સિંચાઈ વિભાગ સમક્ષ સતત રજૂઆતો કરવામાં આવી હતી. જેના પગલે હવે સૌની યોજના હેઠળ (SAUNI Yojana) ન્યારી-1 ડેમમાં ફરી નર્મદાનું પાણી ઠાલવવાનું શરૂ કરવામાં આવ્યું છે. એક સપ્તાહના વિરામ બાદ પાણી શરૂ થતાં મનપાએ રાહતનો શ્વાસ લીધો છે.

આજી-1 ડેમમાં હજુ પુરવઠો શરૂ થયો નથી

હાલ ન્યારી-1 ડેમમાં નર્મદાનીર પહોંચાડવામાં આવી રહ્યું છે, જ્યારે આજી-1 ડેમમાં હજુ પાણી છોડવાની પ્રક્રિયા શરૂ કરવામાં આવી નથી. જોકે આગામી દિવસોમાં આજી-1માં પણ સૌની યોજના હેઠળ નર્મદાના નીર પહોંચાડવામાં આવે તેવી શક્યતા છે. રાજકોટના મુખ્ય જળસ્રોત એવા આજી-1 અને ન્યારી-1 ડેમમાં પાણીની આવક ઓછી રહેતાં ઉનાળામાં પાણીની અછત સર્જાવાની ચિંતા હતી. ન્યારી-1માં નર્મદાનું પાણી શરૂ થતાં હાલ શહેરમાં પાણીકાપની સંભાવના ઘણી હદે ઘટી છે.

ઉનાળામાં રાજકોટવાસીઓને મળશે રાહત

સૌની યોજના હેઠળ નર્મદાના પાણીની આવક ચાલુ રહે અને આજી-1 ડેમમાં પણ આગામી દિવસોમાં પુરવઠો શરૂ થાય તો રાજકોટના જળસંગ્રહમાં વધારો થશે. જેના કારણે ઉનાળાના (Rajkot Water Supply) દિવસોમાં શહેરના લોકોને નિયમિત પીવાનું પાણી પૂરતા પ્રમાણમાં મળી રહે તેવી શક્યતા છે. રાજકોટ મહાનગરપાલિકા દ્વારા પાણીની સ્થિતિને ધ્યાનમાં રાખીને રાજ્ય સરકાર અને સિંચાઈ વિભાગ સમક્ષ સતત રજૂઆતો કરવામાં આવી હતી. આ પ્રયાસો બાદ ન્યારી-1માં નર્મદાનીર ફરી શરૂ થતાં શહેર પર તોળાતો પાણીકાપનો ખતરો હાલ પૂરતો ટળી ગયો છે.

આ પણ વાંચો: નવસારીમાં રૂ.1288 કરોડના બજેટ વચ્ચે મોટો ભુવો, મામલતદાર કચેરી સામે રસ્તો બેસી ગયો

આ પણ વાંચો: રાજકોટમાં વિદ્યાર્થિનીને NEET PG પરીક્ષામાં પ્રવેશ ન મળતાં માતા બેભાન

આ પણ વાંચો: છત ધરાશાયી થતાં ભુજમાં હડકંપ, વર્ષોથી જોખમી ઇમારતો સામે નક્કર કાર્યવાહીની માગ