Bhavnagar News: ભાવનગર પેરોલ ફર્લો સ્કવોડને મોટી સફળતા મળી છે. ગંગાજળિયા પોલીસ સ્ટેશનમાં નોંધાયેલા વિદેશી દારૂના ગુનામાં છેલ્લા 9 વર્ષથી નાસતા ફરતા આરોપીને (Absconding Accused) અમદાવાદના ચાંદખેડા વિસ્તારમાંથી ઝડપી પાડવામાં આવ્યો છે. આરોપીની ઓળખ શંકરસિંહ ગૌતમસિંહ સીસોદીયા તરીકે થઈ છે.
શંકરસિંહ ગૌતમસિંહ સીસોદિયા વિરુદ્ધ ગંગાજળિયા પોલીસ સ્ટેશનમાં (Gangajalia Police) વિદેશી દારૂ અંગે ગુનો નોંધાયો હતો. ગુનો નોંધાયા બાદ આરોપી લાંબા સમયથી પોલીસની પકડથી દૂર હતો અને છેલ્લા નવ વર્ષથી નાસતો ફરતો હોવાનું સામે આવ્યું છે.
અમદાવાદમાં રહેતો હોવાની મળી બાતમી
ભાવનગર પેરોલ ફર્લો સ્કવોડની ટીમ (Parole Furlough Squad) પેટ્રોલિંગમાં હતી તે દરમિયાન પોલીસને ચોક્કસ બાતમી મળી હતી કે આરોપી અમદાવાદના ચાંદખેડા વિસ્તારમાં રહે છે. મૂળ રાજસ્થાનના ઉદેપુર જિલ્લાના સરાડા તાલુકાના અડવાસ ગામનો વતની શંકરસિંહ હાલ ચાંદખેડામાં પોલીસ સ્ટેશન પાછળ આવેલા તીર્થભૂમિ એપાર્ટમેન્ટમાં રહેતો હોવાની માહિતી મળી હતી.
Absconding Accused: ચાંદખેડામાં દરોડો પાડી આરોપીને ઝડપી લીધો
ચોક્કસ બાતમીના આધારે પેરોલ ફર્લો સ્કવોડની ટીમે ચાંદખેડા ખાતે કાર્યવાહી હાથ ધરી હતી. તીર્થભૂમિ એપાર્ટમેન્ટના ફ્લેટ નંબર 10માં દરોડો પાડી શંકરસિંહ સીસોદિયાને ઝડપી (Liquor Case) પાડવામાં આવ્યો હતો. આરોપીની અટકાયત કર્યા બાદ પોલીસે જરૂરી પ્રાથમિક કાયદેસરની કાર્યવાહી પૂર્ણ કરી હતી. ત્યારબાદ વધુ તપાસ અને કાયદેસરની કાર્યવાહી માટે આરોપીને ભાવનગરના ગંગાજળિયા પોલીસ સ્ટેશનને સોંપવામાં આવ્યો છે.
લાંબા સમયથી ફરાર આરોપી ઝડપાતા પોલીસને સફળતા
નવ વર્ષથી પોલીસથી બચી રહેલા આરોપીને અમદાવાદમાંથી ઝડપી પાડવામાં આવતા ભાવનગર પેરોલ ફર્લો સ્કવોડને મહત્વની સફળતા મળી છે. હવે ગંગાજળિયા પોલીસ દ્વારા આરોપી સામે નોંધાયેલા ગુનામાં આગળની કાર્યવાહી હાથ ધરવામાં આવશે.
આ પણ વાંચો: પાણીની અછત વચ્ચે રાજકોટને રાહત, ન્યારી-1માં સૌની યોજના હેઠળ ફરી પાણી શરૂ
આ પણ વાંચો: નવસારીમાં રૂ.1288 કરોડના બજેટ વચ્ચે મોટો ભુવો, મામલતદાર કચેરી સામે રસ્તો બેસી ગયો
આ પણ વાંચો: રાજકોટમાં વિદ્યાર્થિનીને NEET PG પરીક્ષામાં પ્રવેશ ન મળતાં માતા બેભાન
