બોલીવુડની ક્લાસિક કોમેડી ફિલ્મો આપનાર ફિલ્મ નિર્માતા પ્રિયદર્શનએ ખુલાસો કર્યો છે કે તે આવતા વર્ષે અક્ષય કુમાર અભિનીત તેની કોમેડી ફિલ્મનું શૂટિંગ શરૂ કરશે. અભિનેતા-ફિલ્મ નિર્માતા જોડીએ 2000 ના દાયકામાં બ્લોકબસ્ટર ‘હેરા ફેરી’ સિરીઝ, ‘ગરમ મસાલા’ થી ‘ભૂલા ભુલૈયા’ સુધીની અનેક કોમેડી ફિલ્મોમાં કામ કર્યું છે.
પ્રિયદર્શનએ કહ્યું કે તેઓ આ વર્ષે કુમાર સાથે ફિલ્મની શરૂઆત કરવાના હતા, પરંતુ કોરોના વાયરસને કારણે પ્રોજેક્ટ આગળ વધી શક્યો નહીં. દિગ્દર્શકના કહ્યા અનુસાર અમે આ વર્ષે શૂટિંગ શરૂ કરવાનું હતું, પરંતુ તેમાં મોડું થયું છે. આ એ સંપૂર્ણ રીતે કોમેડી ફિલ્મ છે અને હવે અમે તેનું શૂટિંગ આવતા વર્ષના શરૂ કરવાનું વિચારી રહ્યા છીએ.
ફિલ્મ નિર્માતાએ અભિનેતાની ફિલ્મ “રક્ષાબંધન” ના સેટ પરથી અક્ષય કુમાર સાથેની એક તસવીર પોસ્ટ કરી હતી. 64 વર્ષીય નિર્દેશકે કહ્યું કે તે અક્ષય કુમારને તેના આગામી પ્રોજેક્ટ અંગે ચર્ચા કરવા માટે મળ્યો હતો. પ્રિયદર્શને ફોટોના કેપ્શનમાં લખ્યું છે કે, ‘લાંબા વિરામ બાદ અમે આગામી ફિલ્મ વિશે ચર્ચા કરી રહ્યા છીએ અને હું અક્ષય કુમાર સાથેની ચર્ચાની મજા લઇ રહ્યો છું.’
પ્રિયદર્શન હાલમાં તેની આગામી ફિલ્મ ‘હંગામા 2’ ની રિલીઝની રાહમાં છે, જે ડિઝની પ્લસ હોટસ્ટાર પર 23 જુલાઇના રોજ રિલીઝ થવાની છે. આ ફિલ્મ એ જ નામની ડિરેક્ટરની 2003 ની હિટ કોમેડી ફિલ્મની સિક્વલ છે. તેમાં અભિનેતા પરેશ રાવલ, શિલ્પા શેટ્ટી કુંદ્રા, મીઝાન જાફરી અને પ્રણીતા સુભાષ છે.
વર્ક ફ્રન્ટ પર, અક્ષય કુમાર સારા અલી ખાન અને ધનુષની સાથે આાનંદ એલ રાયની ‘અતરંગી રે’માં જોવા મળશે. આ સિવાય તે ફિલ્મ ‘રામ સેતુ’ માં જેક્લીન ફર્નાન્ડિઝ અને નુશરત ભરૂચા સાથે પણ તે જોવા મળશે.
