છેલ્લા કેટલાક મહિનાઓ અફઘાનિસ્તાન માટે કાળા પાના જેવા હતા. આ સમયગાળા દરમિયાન ભયાનક હિંસાની ઘટનાઓમાં ઘણા નાગરિકો, રાજકારણીઓ, પત્રકારો અને કાર્યકરો માર્યા ગયા હતા. અફઘાન સરકાર અમેરિકન સુરક્ષા દળોના ઉપાડથી શરૂ થયેલી હિંસાના ચક્રને રોકવામાં નિષ્ફળ રહી. આ અહેવાલમાં જાણો કે લશ્કરી બળની દ્રષ્ટિએ અફઘાનિસ્તાન અને તાલિબાન ક્યાં છે અને તાલિબાન સામે અફઘાનિસ્તાને ઘૂંટણિયે કેમ પડવું પડ્યું.
અફઘાનિસ્તાનમાં સત્તા પરિવર્તન હવે લગભગ નિશ્ચિત છે. દેશની તમામ સરહદો કબજે કરીને તાલિબાનોએ રાજધાની કાબુલમાં પ્રવેશ કર્યો છે. સૂત્રોના જણાવ્યા અનુસાર સત્તા પરિવર્તનની પ્રક્રિયા પણ શરૂ થઈ ગઈ છે. સૂત્રોના જણાવ્યા અનુસાર, નવી વચગાળાની સરકારના વચગાળાના વડા તરીકે અલી અહેમદ જલાલીનું નામ સૌથી આગળ છે. તાલિબાનને સત્તા સ્થાનાંતરિત કરવા માટે અફઘાન રાષ્ટ્રપતિ ભવન એઆરજી ખાતે વાટાઘાટો ચાલી રહી છે.
વર્ષ 2019 માં જાહેર થયેલા અફઘાન નેશનલ આર્મી (ANA) ના આંકડા મુજબ અફઘાન સેનામાં લગભગ એક લાખ 80 હજાર સૈનિકો છે. તાલિબાન સભ્યોની નિયત સંખ્યા વિશે કોઈ સત્તાવાર માહિતી નથી, તેમ છતાં એવું માનવામાં આવે છે કે તેના સભ્યોની સંખ્યા 50 હજારથી એક લાખની વચ્ચે હોઈ શકે છે,ઉલ્લેખનીય છે કે અફઘાનિસ્તાન સેના મજબૂત હોવા છંતા પણ તાલિબાનો સામે તે ટકી શક્યા નહી, સંખ્યા બળ પણ તેમની વધારે હતી તે છંતા પણ તે ઘૂંટણીયે પડી ગયા, અમેરિકા સૈનિકોની વાપસી પછી અફઘાન સરકરારે તાલિબાનો સામે મજબૂતાઇ વલણ અપનાવવાનો હતો તે કરવામાં સરકાર નિષ્ફળ નીવડી અને પરિણામ એ આવ્યું કે હાલ તાલિબાનોએ અફઘાનિસ્તાન પર કબજો કરી લીધો છે.
