અશરફ ગની અબુ ધાબીમાં થયા સ્થાયી, તાલિબાનના કબજા બાદ કાબુલથી ભાગ્યા હતા

અફઘાનિસ્તાનના પૂર્વ રાષ્ટ્રપતિ અશરફ ગનીએ સંયુક્ત આરબ અમીરાત (યુએઈ)માં પોતાનું નવું ઘર વસાવ્યું છે. એક રિપોર્ટમાં આ માહિતી આપવામાં આવી છે.

અફઘાનિસ્તાનના પૂર્વ રાષ્ટ્રપતિ અશરફ ગનીએ સંયુક્ત આરબ અમીરાત (યુએઈ)માં પોતાનું નવું ઘર વસાવ્યું છે. એક રિપોર્ટમાં આ માહિતી આપવામાં આવી છે. કાબુલ ન્યૂઝે ટ્વિટ કરીને દાવો કર્યો હતો કે અશરફ ગની ચાર દિવસ પહેલા કાબુલમાંથી ભાગી ગયા હતા. અને સંયુક્ત આરબ અમીરાતની રાજધાની અબુ ધાબીમાં સ્થાયી થયા છે.

UAE Ministry of Foreign Affairs and International Cooperation confirms that the UAE has welcomed President Ashraf Ghani and his family into the country on humanitarian grounds pic.twitter.com/lER61n8skc

— ANI (@ANI) August 18, 2021

અગાઉના સૂત્રોએ જણાવ્યું હતું કે ભૂતપૂર્વ રાષ્ટ્રપતિ પડોશી તાજિકિસ્તાન અથવા ઉઝબેકિસ્તાનમાં આશ્રય લે તેવી શક્યતા છે. તે વચ્ચે અશરફ ગની ઓમાનમાં રોકાયા હોવાના પણ અહેવાલ હતા. જો કે, તાલિબાને 15 ઓગસ્ટે અફઘાનિસ્તાન પર કબજો કર્યો ત્યારથી તેમના ઠેકાણાની કોઈ સત્તાવાર પુષ્ટિ થઈ નથી.

અશરફ ગની અફઘાનિસ્તાનથી ભાગી ગયા

તાલિબાનને કાબુલ સોંપ્યા બાદ, રાષ્ટ્રપતિ અશરફ ગની અને તેના સાથીઓ સાથે 15 ઓગસ્ટના રોજ અફઘાનિસ્તાનથી ભાગી ગયા હતા. કાબુલ ન્યૂઝના તાજેતરના અહેવાલ મુજબ, ગની કાબુલથી રોકડ ભરેલા હેલિકોપ્ટર સાથે અબુધાબીમાં સ્થાયી થયા હોવાનું કહેવાય છે. સોમવારે કાબુલમાં રશિયન દૂતાવાસે પણ અહેવાલ આપ્યો હતો કે અફઘાનિસ્તાનના રાષ્ટ્રપતિ અશરફ ગની રોકડથી ભરેલી ચાર કાર અને હેલિકોપ્ટર લઈને કાબુલથી ભાગી ગયા હતા.

ગનીએ કાબુલ છોડ્યા પછી, સંરક્ષણ પ્રધાન બિસ્મિલ્લાહ મોહમ્મદીએ એક ટ્વીટમાં નેતા પર પ્રહાર કરતા કહ્યું કે, “તેમણે અમારી પીઠ પાછળ અમારા હાથ બાંધી દીધા અને માતૃભૂમિ વેચી દીધી, ધનિક માણસ અને તેની ટોળકીને ધિક્કાર છે.

અશરફ ગનીએ કાબુલમાંથી ભાગી ગયા બાદ નિવેદન જારી કર્યું

રાષ્ટ્ર છોડ્યા બાદ પોતાના પ્રથમ નિવેદનમાં અશરફ ગનીએ પોતાનો બચાવ કરતા કહ્યું કે તેમની પાસે બીજો કોઈ વિકલ્પ નથી. ફેસબુક પર પોસ્ટ કરતા તેમણે લખ્યું કે તેઓ અફઘાનિસ્તાનની સેવા કરવાનું ચાલુ રાખશે અને દેશના ભવિષ્ય માટે વિકાસ યોજનામાં યોગદાન આપશે.’તાલિબાને મને હટાવવા માટે આ બધું કર્યું છે, તેઓ અહીં કાબુલ અને કાબુલના લોકો પર હુમલો કરવા આવ્યા છે. લોહી વહેતી નદીઓને રોકવા માટે, મેં આ પગલું ભર્યું છે.

تازه
پخوانی ولسمشر اشرف غني د متحده عرب اماراتو پایتخت ابوظبي کې مېشت شو.
اشرف غني چې څلور ورځې وړاندې له افغانستان څخه وتښتېده، لومړی ویل کېدل چې له تاجکستان څخه عمان هیواد ته تللی، خو تازه کابل نیوز ته یوې سرچینې وویل، چې نوموړی د عربی متحده اماراتو پایتخت ابوظبي کې میشت شوی دی pic.twitter.com/ipV46FT844

— KABUL NEWS (@kabulnewstv) August 18, 2021