મધ્યપ્રદેશના ભોપાલ વિભાગ હેઠળ આવતા હબીબગંજ રેલ્વે  સ્ટેશનનું નામ બદલીને હવેરાણી કમલાપતિ રેલ્વે સ્ટેશન  કરવામાં આવ્યું છે . રેલવે બોર્ડ દ્વારા આ અંગેની સૂચના આપવામાં આવી છે. વિશ્વસ્તરીય સુવિધાઓથી સજ્જ આ રેલ્વે સ્ટેશન દેશનું પ્રથમ ખાનગી રેલ્વે સ્ટેશન છે. વડાપ્રધાન નરેન્દ્ર મોદી 15 નવેમ્બરે રાણી કમલાપતિ રેલ્વે સ્ટેશનનું ઉદ્ઘાટન કરશે.

રાણી કમલાપતિ રેલ્વે સ્ટેશનને જર્મનીના હાઈડેલબર્ગ રેલ્વે સ્ટેશનની તર્જ પર પુનઃવિકાસ કરવામાં આવ્યું છે. વર્ષ 1955માં બનેલા જર્મનીના આ સ્ટેશન પર દરરોજ લગભગ 42,000 મુસાફરો આવે છે અને ત્યાં કોઈ ભીડ નથી. બેઠક વ્યવસ્થા સાથે આધુનિક શૌચાલય, ગુણવત્તાયુક્ત ખોરાક, સંગ્રહાલય અને ગેમિંગ ઝોન બનાવવામાં આવ્યા છે.

આ પણ વાંચો ;Bollywood / શાહરૂખ ખાનના પુત્ર આર્યનની સંભાળ રાખશે હવે આ વ્યક્તિ..જાણો..

મુસાફરોને હવે રેલ્વે સ્ટેશન પર શોપિંગ કોમ્પ્લેક્સ, હોસ્પિટલ, મોલ, સ્માર્ટ પાર્કિંગ, ઉચ્ચ સુરક્ષા સહિતની અનેક આધુનિક સુવિધાઓ મળવા જઈ રહી છે. તે દેશનું પ્રથમ ISO-9001 પ્રમાણિત રેલ્વે સ્ટેશન છે. આ સ્ટેશન ભારતની પ્રથમ પ્રમાણિત ટ્રેન, શાન-એ-ભોપાલ એક્સપ્રેસનું મુખ્ય મથક પણ છે. અહીં ઘણી મોટી ટ્રેનોના સ્ટોપેજ છે. રેલવે પ્લેટફોર્મ પર પહોંચતા મુસાફરો એસ્કેલેટર અથવા લિફ્ટ દ્વારા સરળતાથી સ્ટેશન સુધી પહોંચી શકે છે.

PPP મોડલ પર રિડેવલપ થયેલ રાણી કમલાપતિ રેલ્વે સ્ટેશન બંસલ ગ્રુપ નામની ખાનગી કંપની દ્વારા તૈયાર કરવામાં આવ્યું છે. સ્ટેશનના વિકાસ પ્રોજેક્ટનો કુલ ખર્ચ 450 કરોડ રૂપિયા છે. આ રેલ્વે સ્ટેશન દેશનું પ્રથમ મોડેલ સ્ટેશન છે જે જાહેર-ખાનગી ભાગીદારી હેઠળ બનાવવામાં આવ્યું છે. તેમાં પ્રવેશવાનો અલગ રસ્તો અને બહાર નીકળવાનો અલગ રસ્તો હશે. સ્ટેશન પર એર કોન્કોર્સ બનાવવામાં આવ્યું છે, જેમાં 700 મુસાફરો એકસાથે બેસીને ટ્રેનની રાહ જોઈ શકે છે. પાંચેય પ્લેટફોર્મ એસ્કેલેટર અને સીડી દ્વારા આ કોન્કોર્સ સાથે જોડાયેલા છે.

આ પણ વાંચો ;Bollywood / બીગ બીના ઘરમાં લાગેલી પેઇન્ટિંગની કિંમત સાંભળી થઇ જશો ચકિત, જેનાથી ખરીદી શકાય છે..