ભારતીય રિઝર્વ બેંકએ સોમવારે અનિલ અંબાણીની કંપની રિલાયન્સ કેપિટલ ના બોર્ડને ભંગ કરી દીધું છે. આ સાથે RBIએ રિઝોલ્યુશન પ્રક્રિયા શરૂ કરવા માટે NCLTનો સંપર્ક કરવાનો પણ નિર્ણય કર્યો છે.

આ કારણોસર RBIએ આ પગલું ભર્યું છે

રિલાયન્સ કેપિટલ લેણદારોને અનેક પ્રસંગોએ લોનના હપ્તાઓ ચૂકવવામાં ડિફોલ્ટ થયા બાદ રિઝર્વ બેંકે આ નિર્ણય લીધો છે. સેન્ટ્રલ બેંકે એક નિવેદનમાં જણાવ્યું હતું કે તેને રિલાયન્સ કેપિટલમાં કોર્પોરેટ ગવર્નન્સમાં પણ ખામીઓ જોવા મળી હતી. આરબીઆઈએ કહ્યું કે તેણે કંપનીનું બોર્ડ હટાવી લીધું છે અને તેની તમામ સત્તાઓ પોતાના હાથમાં લઈ લીધી છે.

બેંક ઓફ મહારાષ્ટ્રના ભૂતપૂર્વ ED એડમિનિસ્ટ્રેટર બન્યા

આ સાથે RBIએ બેન્ક ઓફ મહારાષ્ટ્રના ભૂતપૂર્વ એક્ઝિક્યુટિવ ડિરેક્ટર નાગેશ્વર રાવ વાયને રિલાયન્સ કેપિટલના એડમિનિસ્ટ્રેટર તરીકે નિયુક્ત કર્યા છે. સેન્ટ્રલ બેંકે કહ્યું કે તે રિઝોલ્યુશન પ્રક્રિયા શરૂ કરવા અને એડમિનિસ્ટ્રેટરની નિમણૂક કરવા માટે NCLTની મુંબઈ બેન્ચનો સંપર્ક કરવા જઈ રહી છે.

રિલાયન્સ કેપિટલના શેરમાં નીચલી સર્કિટ લાગી હતી

નોંધનીય છે કે આરબીઆઈની આ કાર્યવાહી બાદ રિલાયન્સ કેપિટલના શેરમાં લોઅર સર્કિટ જોવા મળી હતી. NSE પર કંપનીનો શેર રૂ. 19.05 પર બંધ થયો હતો. પગલાં લેવાની સાથે, આરબીઆઈએ એમ પણ કહ્યું કે કંપનીનું બોર્ડ તેની સામે આવી રહેલી સમસ્યાઓનું નિરાકરણ લાવવામાં સક્ષમ નથી.

આ બંને બેંકોની લોનમાં ડિફોલ્ટ થયું હતું

અનિલ અંબાણીની નોન-બેંકિંગ કંપનીએ હાઉસિંગ ડેવલપમેન્ટ ફાઇનાન્સ કોર્પોરેશન (HDFC) અને એક્સિસ બેન્ક પાસેથી લીધેલી રૂ. 624 કરોડની લોન પર વ્યાજ ચૂકવવામાં ડિફોલ્ટ કર્યું હતું. કંપનીએ બે દિવસ પહેલા આ અંગે સ્ટોક એક્સચેન્જને જાણ કરી હતી.

National / ‘એક લીટર પેટ્રોલ અને ડીઝલ પર કેટલી કમાણી થાય છે ?’, સરકારે સંસદમાં આપ્યો આ આંકડો

હવામાન વિભાગ / ખેડૂતો માટે વધુ એકવાર માઠા સમાચાર, આગામી 3 દિવસ વરસાદની આગાહી

અવાણિયા ગામ / એક એવું ગામ જ્યાં આઝાદી પછી માત્ર એક જ વાર યોજાઇ છે ચૂંટણી