ભારતના વડા પ્રધાન નરેન્દ્ર મોદીએ શુક્રવારે ફ્રાન્સના રાષ્ટ્રપતિ ઇમેન્યુઅલ મેક્રોનના આમંત્રણ પર ‘વન ઓશન સમિટ’ને સંબોધિત કર્યું. અહીં પીએમે કહ્યું, “હું રાષ્ટ્રપતિ મેક્રોનને મહાસાગર માટે આ મહત્વપૂર્ણ વૈશ્વિક પહેલ માટે અભિનંદન આપું છું. ભારતની સભ્યતા હંમેશા સમુદ્ર સાથે જોડાયેલી સભ્યતા રહી છે.
વધુમાં પીએમ મોદીએ જણાવ્યું કે, આપણી સુરક્ષા અને સમૃદ્ધિ પણ મહાસાગરો સાથે જોડાયેલી છે. ભારતની પહેલ દરિયાઈ સંસાધનો પણ મુખ્ય છે. ‘ઇન્ડો-પેસિફિક ઓશન ઇનિશિયેટિવ’નો આધારસ્તંભ.
મહાસાગરો અને સમુદ્રોના પ્રદૂષણને ઘટાડવા માટે લેવામાં આવેલા પગલાઓનો ઉલ્લેખ કરતા PMએ કહ્યું, “ભારત સિંગલ યુઝ પ્લાસ્ટિકને નાબૂદ કરવા માટે પ્રતિબદ્ધ છે. ભારતે તાજેતરમાં દરિયાકાંઠાના પ્રદેશમાંથી પ્લાસ્ટિક અને કચરો સાફ કરવાનો નિર્ણય લીધો છે, જેમાં રાષ્ટ્રીય સ્તરનું અભિયાન શરૂ કરવામાં આવ્યું હતું જેમાં યુવાનોએ 13 ટન પ્લાસ્ટિકનો કચરો એકત્રિત કર્યો હતો.
