જો તમે મેગી ખાવાના શોખીન છો તો આજથી તમારે વધુ ખિસ્સા ઢીલા કરવા પડશે. વાસ્તવમાં, હિન્દુસ્તાન યુનિલિવર લિમિટેડ (HUL) અને નેસ્લે ઇન્ડિયાએ આજે 14 માર્ચથી મેગીની કિંમતો વધારવાની જાહેરાત કરી છે. CNBC TV18ના સમાચાર અનુસાર HUL અને Nestleએ ચા, કોફી, દૂધ અને નૂડલ્સ જેવા ઉત્પાદનોની કિંમતોમાં વધારો કરવાની જાહેરાત કરી છે.
મેગી માટે 105 રૂપિયા ચૂકવવા પડશે
નેસ્લે ઈન્ડિયાએ મેગીની કિંમતમાં રૂ.2 નો વધારો કર્યો છે. નેસ્લે ઈન્ડિયા અનુસાર, મેગીની કિંમત આજથી 9% થી 16% સુધી વધશે. એટલે કે 70 ગ્રામ મેગીના પેકેટની કિંમત હવે 12 રૂપિયાથી વધીને 14 રૂપિયા થઈ જશે. તે જ સમયે, મેગીના 140 ગ્રામ પેકેટની કિંમતમાં રૂ.૩ નો વધારો કરવામાં આવ્યો છે. એટલું જ નહીં, 560 ગ્રામના પેક માટે 96 રૂપિયાના બદલે 105 રૂપિયા ચૂકવવા પડશે.
આ વસ્તુઓની કિંમતમાં વધારો
નેસ્લેએ A+દૂધ 1 લીટર કાર્ટનની કિંમત રૂ. 75 થી રૂ. 78 સુધી 4 ટકા વધારી છે. નેસકાફે ક્લાસિક કોફી પાઉડરની કિંમતમાં ત્રણથી સાત ટકાનો વધારો કરવામાં આવ્યો છે. જ્યારે નેસકાફે ક્લાસિક 25 ગ્રામ પેકમાં 2.5નો વધારો કરવામાં આવ્યો છે.
HULએ શું કહ્યું?
HULએ જણાવ્યું હતું કે ફુગાવાના કારણે કંપની દબાણ હેઠળ છે. વધતી જતી મોંઘવારીને જોતા ઉત્પાદનોની કિંમતોમાં વધારો કરવાનો નિર્ણય લેવામાં આવ્યો છે.
Election/ જાણો આ વર્ષે ગુજરાત સહિત કયા રાજ્યોમાં યોજાશે ચૂંટણી?
