એલપીજી સિલિન્ડરના નવા દર આજથી દેશભરમાં જાહેર કરવામાં આવ્યા છે. આ વખતે એલપીજી ગેસ સિલિન્ડર 250 રૂપિયા મોંઘો થયો છે. જોકે, આ વધારો કોમર્શિયલ ગેસ સિલિન્ડરના ભાવમાં થયો છે. કારણ કે 10 દિવસ પહેલા સુધી ઘરેલુ એલપીજી સિલિન્ડરના ભાવમાં વધારો કરવામાં આવ્યો હતો, જ્યારે 22 માર્ચે કોમર્શિયલ સિલિન્ડર સસ્તું થયું હતું.
19 kg commercial cooking gas LPG price hiked by Rs 250 per cylinder. It will now cost Rs 2253 effective from today. No increase in the prices of domestic gas cylinders. pic.twitter.com/h8acfRh6mn
— ANI (@ANI) April 1, 2022
ઉલ્લેખનીય છે કે લાંબા સમય બાદ પેટ્રોલ-ડીઝલ અને એલપીજી ગ્રાહકોને મોંઘવારીનો માર પડવા લાગ્યો છે. 22 માર્ચે બિન-સબસિડીવાળા ઘરેલુ એલપીજી સિલિન્ડરમાં 50 રૂપિયાનો વધારો થયો હતો.નોંધનીય છે કે દિલ્હીમાં આજથી 19 કિલોનો કોમર્શિયલ એલપીજી સિલિન્ડર 2253 રૂપિયામાં મળશે.
જ્યારે કોલકાતામાં હવે 2087 રૂપિયાના બદલે 2351 રૂપિયામાં અને મુંબઈમાં 1955ના બદલે 2205 રૂપિયામાં મળશે. ચેન્નાઈમાં આ સિલિન્ડર માટે 2138 રૂપિયાના બદલે 2406 રૂપિયા ખર્ચવા પડશે. તમને જણાવી દઈએ કે કોમર્શિયલ એલપીજી સિલિન્ડરની કિંમતોમાં વધારા સિવાય એર ઈંધણની કિંમતોમાં પણ વધારો થયો છે. 1 એપ્રિલે જેટ ફ્યુઅલ એટલે કે એટીએફની કિંમત 2 ટકાથી વધારીને 1,12,925 કિલોલીટર કરવામાં આવી છે. પહેલા તે 1,10, 666 રૂપિયા પ્રતિ કિલોલીટર હતો. તે જ સમયે, નવા દરો 15 એપ્રિલ 2022 થી લાગુ થશે.
