દેશમાં કોરોના સંક્રમણના કેસમાં સતત વધઘટ થઈ રહી છે. ગુરુવારે કેન્દ્રીય સ્વાસ્થ્ય મંત્રાલય દ્વારા જાહેર કરવામાં આવેલા આંકડા અનુસાર, દેશમાં 24 કલાકમાં 2827 નવા કોરોના કેસ નોંધાયા છે. જ્યારે એક દિવસ અગાઉ 2897 કેસ નોંધાયા હતા. મંગળવારે 2,288 કેસ નોંધાયા હતા.સ્વાસ્થ્ય મંત્રાલયના આંકડા મુજબ છેલ્લા 24 કલાકમાં 24 લોકોના મોત થયા છે. એક દિવસ પહેલા 54 લોકોના મોત થયા હતા. આ પછી, દેશમાં કોરોનાના કારણે કુલ મૃત્યુઆંક 524181 પર પહોંચી ગયો છે. સ્વાસ્થ્ય મંત્રાલયના તાજેતરના આંકડા અનુસાર, દેશમાં 24 કલાકમાં 3230 લોકો કોરોનાથી સ્વસ્થ પણ થયા છે. આ પછી, દેશમાં કોરોનાના કુલ સક્રિય કેસ 19,067 પર પહોંચી ગયા છે.
સ્વાસ્થ્ય મંત્રાલય દ્વારા જાહેર કરવામાં આવેલા આંકડા મુજબ દેશમાં અત્યાર સુધીમાં 42570165 લોકો કોરોનાથી સાજા થયા છે. તે જ સમયે, દેશમાં અત્યાર સુધીમાં 190.83 કરોડથી વધુ લોકોને રસી આપવામાં આવી છે. છેલ્લા 24 કલાકમાં 14 લાખ 85 હજાર 292 લોકોને કોરોનાની રસી આપવામાં આવી છે.
