કેન્દ્ર સરકારના 49 લાખ કર્મચારીઓ અને 63 લાખ પેન્શનધારકો માટે સારા સમાચાર છે. મોંઘવારી દરના હિસાબે કેન્દ્ર સરકાર આ વખતે DA/DRમાં ચાર ટકાનો વધારો કરી શકે છે. આવી સ્થિતિમાં જુલાઈ મહિનાથી સરકારી કર્મચારીઓ અને પેન્શનધારકોના પગારમાં વધારો થશે. કેન્દ્રીય કર્મચારીઓને હાલમાં 34 ટકાના દરે મોંઘવારી ભથ્થું મળી રહ્યું છે. જો 1 જુલાઈ, 2022થી મોંઘવારી ભથ્થામાં 4 ટકાનો વધારો થશે તો આ દર 38 ટકા સુધી પહોંચી જશે. આ સ્થિતિમાં જો કોઈ કર્મચારીની બેઝિક સેલેરી 18,000 રૂપિયા છે, તો તેના પગારમાં દર મહિને 720 રૂપિયાનો વધારો થશે. 1 લાખ રૂપિયાની બેઝિક સેલેરી ધરાવતા વ્યક્તિના માસિક પગારમાં 4000 રૂપિયાનો વધારો થશે.
કેન્દ્ર સરકારના સૂત્રોનું કહેવું છે કે ડીએ વધારવાની જાહેરાત જુલાઈ મહિનામાં થઈ શકે છે. ઉપલબ્ધ મોંઘવારી આંકડા અનુસાર સરકારી કર્મચારીઓના ડીએમાં ઓછામાં ઓછો ચાર ટકાનો વધારો થશે. બજારના નિષ્ણાતોના મતે ફુગાવાના આધારે ઈન્ડેક્સ વધુ કે ઓછો હોય છે. જાન્યુઆરીમાં ઇન્ડેક્સ 125.1 વધ્યો હતો. ઇન્ડેક્સ ફેબ્રુઆરીમાં 125.0, માર્ચમાં 126.0 અને એપ્રિલમાં 127.7 ઊછળ્યો છે. એપ્રિલ 2022 માટે AICPI ઇન્ડેક્સ નંબરોએ 1.7 પોઈન્ટનો જંગી ઉછાળો નોંધાવ્યો છે. હજુ મેનો રિપોર્ટ આવ્યો નથી. જૂનમાં પણ ઇન્ડેક્સમાં ઉછાળો આવી શકે છે. જો 127.7 ના દરને આગામી બે મહિના માટે આધાર તરીકે ગણવામાં આવે તો પણ DAમાં ચાર ટકાનો વધારો થશે. આવી સ્થિતિમાં ડીએ 38 ટકાના દરે વધશે.
જો કોઈ કર્મચારીનો મૂળ પગાર 18,000 રૂપિયા છે, તો ડીએના 38 ટકાના દરે, તેના પગારમાં 720 રૂપિયાનો વધારો થશે. જો કર્મચારીનો મૂળ પગાર 25 હજાર રૂપિયા છે તો તેમાં દર મહિને 1000 રૂપિયાનો વધારો થશે. 35,000 રૂપિયાનો મૂળ પગાર મેળવનારા કર્મચારીઓને દર મહિને 1400 રૂપિયા વધુ મળશે. 45,000 રૂપિયાના મૂળ પગાર પર 1800 રૂપિયાનો વધારો થશે. રૂ. 52 હજારના મૂળ પગાર પર રૂ. 2080, રૂ. 70 હજારના મૂળ પગાર પર રૂ. 2800, રૂ. 85,500ના મૂળ પગાર પર રૂ. 3420 અને રૂ. 1 લાખના મૂળ પગારવાળા કામદારોના ખાતામાં દર મહિને રૂ. 4000 વધુ. કેન્દ્ર સરકારે અગાઉ તેના કર્મચારીઓ અને પેન્શનરોને મોંઘવારી ભથ્થું/મોંઘવારી રાહત ગયા વર્ષે 17 ટકાથી વધારીને 28 ટકા કરી હતી. ઓક્ટોબરમાં પણ ડીએમાં ત્રણ ટકાનો વધારો કરવામાં આવ્યો હતો. આનાથી DA 31 ટકા થયો. આ વર્ષે પણ જાન્યુઆરીથી ડીએમાં ત્રણ ટકાનો વધારો કરવામાં આવ્યો છે. આ સાથે DA/DR વધીને 34 ટકા થઈ ગયો છે.
