Monkeypox Cases in India: દેશમાં મંકીપોક્સનો બીજો કેસ નોંધાયો છે. બંને કેસ કેરળમાં જ જોવા મળ્યા છે. આ માણસને લક્ષણો દેખાતા કન્નુરની પરિયારામ મેડિકલ કોલેજમાં દાખલ કરવામાં આવ્યો હતો. તેના સેમ્પલ નેશનલ ઈન્સ્ટીટ્યુટ ઓફ વાયરોલોજીમાં મોકલવામાં આવ્યા હતા જ્યાં રિપોર્ટ પોઝીટીવ આવ્યો છે. રાજ્યના આરોગ્ય સચિવે આ વાતની પુષ્ટિ કરી છે. આ વ્યક્તિ વિદેશથી મેંગલુરુ એરપોર્ટ પહોંચ્યો હતો.
કેરળના આરોગ્ય વિભાગે રાજ્યના તમામ પાંચ એરપોર્ટ પર દેખરેખ વધારી દીધી છે. જ્યારે તે વ્યક્તિ એરપોર્ટ પર પહોંચ્યો ત્યારે તપાસ દરમિયાન તેને લક્ષણો દેખાયા, ત્યારબાદ તેને સીધો હોસ્પિટલ મોકલવામાં આવ્યો. મંકીપોક્સનો પહેલો કેસ કેરળમાં પણ જોવા મળ્યો હતો. આ વ્યક્તિ UAE થી પરત ફર્યો હતો. તેના સંપર્કમાં આવેલા ટેક્સી ડ્રાઈવરો, પરિવારના સભ્યો અને સાથી-યાત્રીઓને પણ દેખરેખ હેઠળ રાખવામાં આવ્યા છે.
રવિવારે આરોગ્ય પ્રધાન વીણા જ્યોર્જે માહિતી આપી હતી કે કેરળમાં મંકીપોક્સના કેસ નોંધાયા બાદ તિરુવનંતપુરમ, કોચી, કોઝિકોડ અને કન્નુર આંતરરાષ્ટ્રીય એરપોર્ટ પર હેલ્પ ડેસ્ક શરૂ કરવામાં આવ્યા છે. મંત્રીએ કહ્યું કે જિલ્લાઓમાં અલગીકરણ કેન્દ્રો સ્થાપિત કરવામાં આવ્યા છે અને જેઓ મંકીપોક્સના લક્ષણો દર્શાવે છે તેઓએ 21 દિવસ સુધી ઘરે રહેવું જોઈએ. ઉલ્લેખનીય છે કે, ગુરુવારે દેશમાં મંકીપોક્સનો પહેલો કેસ સામે આવ્યા બાદ કેન્દ્રીય ટીમને કેરળ મોકલવામાં આવી હતી. પહેલો કેસ કેરળના એક વ્યક્તિનો પણ છે જે 12 જુલાઈના રોજ સંયુક્ત આરબ અમીરાત (UAE)થી પરત ફર્યો હતો.
આ પણ વાંચો: ગુજરાત/ કોણ છે શરદ પવારની પાર્ટીના ધારાસભ્ય જેમણે કર્યું ક્રોસ વોટિંગ, પોલીસને ચકમો આપીને હત્યા કેસમાં થઇ ચુક્યા છે ફરાર
આ પણ વાંચો: Rahul Gandhi on GST/ ‘ઉચ્ચા ટેક્સ… નોકરી નથી’, રાહુલ ગાંધીએ GST અને બેરોજગારીને લઈને ફરી મોદી સરકાર પર પ્રહારો કર્યા
આ પણ વાંચો: Cricket/ T20 વર્લ્ડ કપ 2022, ગ્રુપ અને શેડ્યૂલ ફાઈનલને લઈને મોટી જાહેરાત
