ગોવાના ‘સિલી સોલ્સ કેફે એન્ડ બાર’ના વિવાદમાં હવે કેન્દ્રીય મંત્રી સ્મૃતિ ઈરાનીએ પલટવાર કર્યો છે. તેમણે પ્રેસ કોન્ફરન્સ કરીને આ મામલે તેમની પુત્રી ઝોઈશ ઈરાની પર આરોપ લગાવવા માટે કોંગ્રેસ અને તેના નેતાઓને કાનૂની નોટિસ મોકલી છે. સ્મૃતિ ઈરાની વતી તેમના વકીલે કોંગ્રેસ પાર્ટી, કોંગ્રેસના નેતાઓ જયરામ રમેશ અને પવન ખેડાને નોટિસ મોકલી છે. ગોવામાં આ બાર અંગે કોંગ્રેસે આક્ષેપ કર્યો હતો કે તેનું સંચાલન કેન્દ્રીય મંત્રીના પરિવાર દ્વારા કરવામાં આવે છે, જ્યારે બારે દારૂનું લાયસન્સ મેળવવા માટે છેતરપિંડી કરી છે.

વાસ્તવમાં આ આખો કિસ્સો ત્યારે પ્રકાશમાં આવ્યો જ્યારે ગોવાના આબકારી કમિશનરે નિયમો અને પ્રક્રિયાઓનો ભંગ કરીને દારૂનું લાયસન્સ લેવા બદલ ‘સિલી સોલ્સ કેફે એન્ડ બાર’ને કારણ બતાવો નોટિસ જારી કરી. આ કેસમાં નોંધાયેલી ફરિયાદમાં એવો આક્ષેપ કરવામાં આવ્યો હતો કે આ બાર પાસે રેસ્ટોરન્ટનું લાયસન્સ ન હોવા છતાં પણ આ બારને દારૂનું લાયસન્સ આપવામાં આવ્યું હતું. જૂનમાં, મે મહિનામાં જ મૃત્યુ પામેલા વ્યક્તિના નામે દારૂનું લાયસન્સ રિન્યુ કરવામાં આવ્યું હતું.

ગઈકાલે નોટિસ મોકલવાની જાહેરાત કરવામાં આવી હતી

કોંગ્રેસે પ્રેસ કોન્ફરન્સ કરીને આ સમગ્ર મામલે સ્મૃતિ ઈરાનીનો ખુલાસો માગ્યો હતો. સાંજે કેન્દ્રીય મંત્રીએ કોંગ્રેસના આરોપોનો જવાબ આપ્યો અને કહ્યું- મારી પુત્રી કોલેજની વિદ્યાર્થીની છે અને તે કોઈ બાર ચલાવતી નથી. સાથે જ તેમણે આ માટે કોંગ્રેસના નેતાઓને લીગલ નોટિસ મોકલવાની પણ જાહેરાત કરી હતી, જે તેમણે આજે મોકલી છે.

આ પણ વાંચો:હત્યાનો ભેદ ઉકેલાયો, ધડ મળ્યાના 5 દિવસ બાદ કપાયેલા પગ મળ્યા, પિતા જ પુત્રનો હત્યારો નીકળ્યો

આ પણ વાંચો:હાર્દિક પંડ્યાના ઘરે આવી ખુશી, ભાઈ કૃણાલ પંડ્યા અને ભાભી પંખુડીને થયો પુત્ર

આ પણ વાંચો:રાહુલ ગાંધીએ કહ્યું- અગ્નિવીર યોજના યુવાનોના ભવિષ્ય માટે ખતરનાક, પીએમ મોદી કરી રહ્યા છે પ્રયોગ……