દિલ્હીમાં એક ઈમારતની છત ધરાશાયી થતાં પાંચ લોકો ઘાયલ થયા છે જ્યારે હજુ પણ કાટમાળ નીચે લગભગ 3-4 લોકો ફસાયા હોવાની આશંકા છે. આ અકસ્માત દિલ્હીના લાહોરી ગેટ વિસ્તારમાં સાંજે 7.30 વાગ્યે થયો હતો. અચાનક અહીં એક મકાનની છત તૂટી પડી, જેના પછી ત્યાં હાજર લોકો કાટમાળ નીચે આવી ગયા. ઘટનાસ્થળે રાહત અને બચાવ કાર્ય ચાલી રહ્યું છે અને પાંચ ફાયર ટેન્ડર ઘટનાસ્થળે પહોંચી ગયા છે જેથી કાટમાળ નીચે ફસાયેલા લોકોને બચાવી શકાય. દિલ્હી ફાયર સર્વિસના એક અધિકારીએ ન્યૂઝ એજન્સી એએનઆઈને જણાવ્યું કે નવી દિલ્હીમાં રવિવારે સાંજે અચાનક એક ઈમારતની છત ધરાશાયી થઈ ગઈ, જેમાં 5 લોકો ઘાયલ થયા છે જ્યારે ત્રણથી ચાર વધુ લોકો કાટમાળ નીચે ફસાયા હોવાની આશંકા છે.
દિલ્હી ફાયર સર્વિસના ડાયરેક્ટર અતુલ ગર્ગે જણાવ્યું હતું કે લાહોરી ગેટ વિસ્તારમાં સાંજે લગભગ 7.30 વાગ્યે છત તૂટી પડી હતી. પાંચ ફાયર ટેન્ડર ઘટનાસ્થળે મોકલવામાં આવ્યા છે. અત્યાર સુધીમાં પાંચ લોકોને હોસ્પિટલમાં ખસેડવામાં આવ્યા છે. અન્ય લોકોને શોધવા માટે બચાવ કામગીરી ચાલુ છે.
