Himachal Earthquake: હિમાચલ પ્રદેશના કુલ્લુ અને મંડી જિલ્લામાં બુધવારે રાત્રે ભૂકંપના જોરદાર આંચકા અનુભવાયા હતા. જે બાદ લોકો ઘરની બહાર દોડી આવ્યા હતા. હાલમાં કોઈ જાન-માલના નુકસાનની માહિતી સામે આવી નથી. નેશનલ સેન્ટર ફોર સિસ્મોલોજી અનુસાર, ભૂકંપ રાત્રે 9.21 કલાકે આવ્યો હતો. ભૂકંપની તીવ્રતા રિક્ટર સ્કેલ પર 4.1 માપવામાં આવી છે. ભૂકંપનું કેન્દ્ર મંડીથી 27 કિમી ઉત્તર-પશ્ચિમમાં જમીનથી 5 કિમીની ઊંડાઈએ હતું.
જણાવી દઈએ કે આ પહેલા આજે બુધવારે સવારે અરુણાચલ પ્રદેશમાં ભૂકંપના આંચકા અનુભવાયા હતા. આ આંચકા સવારે લગભગ 09.55 વાગ્યે આવ્યા હતા. ભૂકંપની તીવ્રતા રિક્ટર સ્કેલ પર 3.7 હતી. નેશનલ સેન્ટર ફોર સિસ્મોલોજી અનુસાર ભૂકંપનું કેન્દ્ર અરુણાચલના બસરથી 55 કિમી દૂર 10 કિમીની ઊંડાઈએ હતું. આ અગાઉ મંગળવારે મહારાષ્ટ્રના કોલ્હાપુરમાં ભૂકંપના આંચકા અનુભવાયા હતા. ભૂકંપની તીવ્રતા રિક્ટર સ્કેલ પર 3.4 હતી. ભૂકંપનું કેન્દ્ર પૃથ્વીની સપાટીથી 5 કિમી નીચે હતું. ભૂકંપની તીવ્રતા ઘણી ઓછી હતી. ઉલ્લેખનીય છે કે, 12 નવેમ્બરે દિલ્હી-NCR અને ઉત્તરાખંડમાં ભૂકંપના જોરદાર આંચકા અનુભવાયા હતા. ભૂકંપ બાદ લોકો પોતાના ઘરો અને ઓફિસોમાંથી બહાર આવી ગયા હતા.
દિલ્હી, નોઈડા, ગાઝિયાબાદ, બિજનૌરમાં ભૂકંપના આંચકા અનુભવાયા હતા. અગાઉ 9મી નવેમ્બરે ભૂકંપ આવ્યો હતો. ત્યારબાદ ભારત, ચીન અને નેપાળમાં ભૂકંપના આંચકા અનુભવાયા હતા. તેની તીવ્રતા 6.3 હતી. ભારતમાં દિલ્હી, ઉત્તર પ્રદેશ, ઉત્તરાખંડ સહિત 7 રાજ્યોમાં ભૂકંપ આવ્યો હતો. તો નેપાળમાં ભૂકંપના કારણે સૌથી વધુ તબાહીના સમાચાર સામે આવ્યા હતા. ભૂકંપના કારણે માત્ર ઘણા ઘરો જ નષ્ટ થયા હતા, પરંતુ 6 લોકોના મોત થયા હતા.
આ પણ વાંચો: Gujarat Election/ખેડા જિલ્લાના નડિયાદમાં પંકજ દેસાઇએ ભાજપના કાર્યકરો સાથે પ્રાંત
