cold in north india; દિલ્હી સહિત ઉત્તર ભારતમાં આજે સવારે ફરી એકવાર ઠંડીએ દસ્તક આપી છે.ઠંડીનું પ્રમાણ વધ્યું છે. કાતિલ ઠંડી પડી રહી છે. તાપમાન નીચે જતા ઠંડીનું જોર વધ્યું છે.જયારે કેટલાક દિવસોથી અનેક રાજ્યમાં પારો થોડો ઉંચો હોવાથી ઠંડીમાં આંશિક રાહત મળી હતી. હવામાન વિભાગની માહિતી અનુસાર રાજ્યમાં ફરી એકવાર હળવો વરસાદ થવાની સંભાવના છે, જેના કારણે ફરીથી ઠંડીનો સામનો કરવો પડી શકે છે.
હવામાન વિભાગ તરફથી ( cold in north india) મળેલી માહિતી અનુસાર પશ્ચિમ હિમાલય ક્ષેત્રમાં 29 અને 30 જાન્યુઆરીએ વરસાદ અને હિમવર્ષાના સંકેતો છે. જેના કારણે ઉત્તર ભારતમાં ફરી ઠંડીનો પ્રકોપ જોવા મળશે. આ ઉપરાંત પાટનગર સહિત મેદાની વિસ્તારોમાં આ બંને દિવસે હળવો વરસાદ કે વાદળછાયું વાતાવરણ રહેવાની શક્યતા છે. માહિતી અનુસાર, રાષ્ટ્રીય રાજધાનીમાં ગુરુવારે લઘુત્તમ તાપમાન 12.8 ડિગ્રી સેલ્સિયસ નોંધાયું હતું, જે આ મહિનામાં સૌથી વધુ હતું.
હવામાનની આગાહી
ભારતીય હવામાન વિભાગના જણાવ્યા અનુસાર દિલ્હીનું મહત્તમ તાપમાન 17.3 ડિગ્રી સેલ્સિયસ નોંધાયું હતું, જે સિઝનની સરેરાશ કરતાં પાંચ ડિગ્રી સેલ્સિયસ વધારે છે. સેન્ટ્રલ પોલ્યુશન કંટ્રોલ બોર્ડ (CPCB)ના ડેટા અનુસાર, દિલ્હીમાં એકંદરે એર ક્વોલિટી ઈન્ડેક્સ (AQI) 297 નોંધાયો હતો.
0 અને 50 ની વચ્ચેનો AQI સારો, 51 અને 100 ‘સંતોષકારક’, 101 અને 200 ‘મધ્યમ’, 201 અને 300 ખરાબ, 301 અને 400 ‘ખૂબ જ ખરાબ માનવામાં આવે છે. . સ્કાયમેટ વેધર સર્વિસના મહેશ પલવતે કહ્યું કે આગામી બે દિવસમાં દિલ્હીનું લઘુત્તમ તાપમાન ઘટી શકે છે. જમ્મુ-કાશ્મીરમાં પણ શીત લહેર યથાવત છે. આ વિસ્તારમાં સતત હિમવર્ષા થઈ રહી છે. હવામાન કચેરીની આગાહી મુજબ શુક્રવારે જમ્મુ-કાશ્મીરમાં હવામાન શુષ્ક રહેવાની સંભાવના છે.
Accident/ ઝારખંડમાં સ્કોર્પિયોએ 5 યુવકોને કચડી નાખતા 4 ના ઘટનાસ્થળે મોત,એકની હાલત ગંભીર
T-20 SERIES/ ન્યુઝીલેન્ડ સામે T20 સીરીઝ પહેલા ટીમ ઈન્ડિયાને ઝટકો,આ ખેલાડી બહાર,જાણો કારણ
