દિલ્હી દારૂ કૌભાંડ કેસ (Delhi liquor scam) માં દિલ્હીના પૂર્વ ઉપમુખ્યમંત્રી મનીષ સિસોદિયાની પૂછપરછ માટે ED (Enforcement Directorate) ની ટીમ તિહાર જેલમાં પહોંચી છે. ટીમમાં EDના ત્રણ અધિકારીઓ છે. તેઓ સિસોદિયાની પૂછપરછ કરી રહ્યા છે. કોર્ટે EDને સિસોદિયાની ત્રણ દિવસ સુધી પૂછપરછ કરવાની છૂટ આપી છે.
બીજી તરફ, EDએ મંગળવારે હૈદરાબાદ સ્થિત બિઝનેસમેન અરુણ રામચંદ્રન પિલ્લઈની ધરપકડ કરી છે. તે તેલંગાણાના મુખ્યમંત્રી કે ચંદ્રશેખર રાવની પુત્રી કવિતાની નજીક છે. આરોપ છે કે પિલ્લઈ એક કંપનીમાં કવિતાનું પ્રતિનિધિત્વ કરતા હતા. અરુણ પિલ્લઈ પર દારૂના કૌભાંડ સાથે સંબંધિત ગેરકાયદેસર લેવડદેવડનો આરોપ છે.
EDએ દિલ્હી દારૂ કૌભાંડમાં કોર્ટમાં રજૂ કરેલી ચાર્જશીટમાં કવિતાનું નામ આરોપી તરીકે રાખ્યું છે. EDએ જણાવ્યું છે કે કવિતા લિકર કંપની ઈન્ડોસ્પિરિટ્સમાં 65 ટકા હિસ્સો ધરાવે છે. EDએ 11 ડિસેમ્બર 2022ના રોજ કવિતાની હૈદરાબાદ સ્થિત ઘરે પૂછપરછ કરી હતી.
CBએ અગાઉ કહ્યું હતું કે અરુણ પિલ્લઈ ઈન્ડોસ્પિરિટ્સના માલિક સમીર મહેન્દ્રુ પાસેથી પૈસા લેતા હતા. વિજય નાયર મારફત આરોપી સરકારી અધિકારીઓને લાંચ તરીકે પૈસા આપવામાં આવ્યા હતા. EDએ દારૂ કૌભાંડ સાથે જોડાયેલા એક કેસમાં વિજય નાયર અને સમીર મહેન્દ્રુની ધરપકડ કરી હતી.
ઓક્ટોબર 2022માં, CBIએ અરુણ પિલ્લઈના કથિત સહયોગી અભિષેક બોઈનાપલ્લીની ધરપકડ કરી હતી. અભિષેક રોબિન ડિસ્ટ્રિબ્યુશન એલએલપી નામની કંપનીમાં ડિરેક્ટર હતો. આરોપ છે કે તે શેલ કંપની છે. આનો ઉપયોગ દારૂની કંપનીઓ પાસેથી કમિશન વસૂલવા માટે થતો હતો જેઓ દિલ્હીની નવી દારૂની નીતિથી ફાયદો ઉઠાવી રહી હતી.
જણાવી દઈએ કે CBIએ 26 ફેબ્રુઆરીના રોજ મનીષ સિસોદિયાની ધરપકડ કરી હતી. સિસોદિયા દિલ્હીની તિહાર જેલમાં બંધ છે. તેમની જામીન અરજી પર 10 માર્ચે સુનાવણી થવાની છે. EDએ કોર્ટ પાસે સિસોદિયાની પૂછપરછ કરવાની પરવાનગી માંગી હતી.
આ પણ વાંચો: “માય એવર-બ્યૂટીફુલ જેકલીન”: અભિનેતા માટે જેલમાં બંધ ઠગ સુકેશનો હોળી સંદેશ
આ પણ વાંચો: યુએસમાં પ્લેન ક્રેશ થતાં ભારતીય મૂળની મહિલાનું મોત, પુત્રી ઘાયલ
આ પણ વાંચો:નાણાકીય લક્ષ્યાંકોને પહોંચી વળવા મેટાનું હજારો નોકરીઓમાં કાપનું આયોજન
આ પણ વાંચો:ભગવાન હનુમાન સામે વીમેન્સ બોડીબિલ્ડરોને લઈને ભાજપ-કોંગ્રેસ આમને સામને
આ પણ વાંચો:ગુજરાતમાંથી 400 કરોડથી વધુ રકમનું ડ્રગ્સ પકડાયુંઃ એટીએસ-કોસ્ટગાર્ડનું સંયુક્ત ઓપરેશન
