કોંગ્રેસે બુધવારે કર્ણાટક વિધાનસભા ચૂંટણી માટે ઉમેદવારોની પાંચમી યાદી બહાર પાડી. કોંગ્રેસે આ યાદીમાં વધુ ચાર ઉમેદવારો જાહેર કર્યા છે. જેમાં યાસિર અહેમદ ખાન પઠાણનું નામ પણ સામેલ છે, જેને શિગગાંવ વિધાનસભા ક્ષેત્રમાંથી મુખ્યમંત્રી બસવરાજ બોમાઈ સામે ઉમેદવાર બનાવવામાં આવ્યા છે. આ પહેલા કોંગ્રેસે મુખ્યમંત્રી સામે મોહમ્મદ યુસુફ સાવનુરને ટિકિટ આપી હતી. હવે સાવનુરની જગ્યાએ પઠાણને મેદાનમાં ઉતારવામાં આવ્યા છે. આ યાદીમાં પઠાણ ઉપરાંત ત્રણ વધુ નામ સામેલ છે. મુલબાગલથી બીસી મુદ્દુગંગાધર, કેઆર પુરાથી ડીકે મોહન અને પુલકેશનગરથી એસી શ્રીનિવાસને નોમિનેટ કરવામાં આવ્યા છે.
#KarnatakaElections2023 | Congress releases the fifth list of candidates.
Yasir Ahmed Khan Pathan to contest from Shiggaon assembly constituency from where BJP has fielded CM Basavaraj Bommai. pic.twitter.com/2Q5cBmkaB2
— ANI (@ANI) April 19, 2023
આ સાથે કોંગ્રેસે અત્યાર સુધીમાં કુલ 219 ઉમેદવારોના નામની જાહેરાત કરી છે. હવે તેમને વધુ પાંચ બેઠકો માટે ઉમેદવાર તરીકે જાહેર કરવાનું બાકી છે. કર્ણાટકની તમામ 224 વિધાનસભા બેઠકો માટે 10 મેના રોજ મતદાન થશે અને મતગણતરી 13 મેના રોજ થશે.