આ વખતે વરસાદની મોસમમાં ટામેટાંના ભાવ આસમાને પહોંચ્યા છે. ચાલુ વર્ષે સતત વરસાદના કારણે શાકભાજીના ભાવમાં અનેકગણો વધારો થયો છે. આ અઠવાડિયે લખનૌમાં ટામેટાના ભાવ 130 રૂપિયા પ્રતિ કિલોના સ્તરે પહોંચી ગયા છે. આ સિવાય કોચીમાં આદુની કિંમત 230 રૂપિયા પ્રતિ કિલો અને લીલા મરચાની કિંમત પણ 150 રૂપિયા પ્રતિ કિલોને પાર પહોંચી ગઈ છે. આ સિવાય ચેન્નાઈ સહિત અનેક શહેરોમાં શાકભાજીના ભાવ 60 રૂપિયા પ્રતિ કિલોથી 80 રૂપિયા પ્રતિ કિલો સુધી પહોંચી ગયા છે.

3 અઠવાડિયામાં ટામેટા 700 ટકા મોંઘા થયા છે

તમને જણાવી દઈએ કે છેલ્લા 3 અઠવાડિયામાં ટામેટાંના ભાવમાં 700 ટકા સુધીનો વધારો થયો છે. તો બીજી તરફ વર્ષ 2020 અને 2021માં ખેડૂતોને પાકના યોગ્ય ભાવ ન મળવાના કારણે પાક બરબાદ થઈ રહ્યો હતો. છેલ્લા વર્ષોમાં ખેડૂતોએ ટામેટાંને રસ્તા પર ફેંકી દીધા હતા અને આજે એ જ ટામેટાં બજારમાં 100 રૂપિયા પ્રતિ કિલોને પાર પહોંચી ગયા છે.

કમોસમી વરસાદની અસર જોવા મળી રહી છે
મોટા ભાગના ફળો અને શાકભાજીના ભાવ વાતાવરણના આધારે નક્કી થાય છે. જો વાતાવરણ સંવેદનશીલ હોય તો ફળોના ભાવમાં વધારો જોવા મળે છે. આ વખતે સૌ પ્રથમ ગરમીની અસર ટામેટાંના ભાવ પર જોવા મળી રહી છે. મે મહિનામાં કમોસમી વરસાદને કારણે રાજસ્થાન, યુપી અને હરિયાણા રાજ્યોમાં પાકને નોંધપાત્ર નુકસાન થયું છે.

પાક પણ બજારોમાં પહોંચી શકતો નથી
આ સિવાય દેશના કેટલાક ભાગોમાં પૂરના કારણે ખેડૂતો માટે ફળો અને શાકભાજીને બજારમાં લઈ જવામાં ખૂબ જ મુશ્કેલી થઈ રહી છે. આ સિવાય બિપરજોય વાવાઝોડાને કારણે ઘણા રાજ્યોમાં પાક નાશ પામ્યો છે. આ વાવાઝોડાને કારણે ખેડૂતોનો પાક સ્થાનિક બજારોમાં પણ પહોંચી શકતો નથી.

મેટ્રો શહેરમાં ટામેટાના ભાવ શું છે? 
દેશના ચાર મેટ્રો શહેરોની વાત કરીએ તો દિલ્હીમાં ટામેટાની છૂટક કિંમત 60 રૂપિયા પ્રતિ કિલો, મુંબઈમાં 42 રૂપિયા પ્રતિ કિલો, કોલકાતામાં 75 રૂપિયા પ્રતિ કિલો અને ચેન્નાઈમાં 67 રૂપિયા પ્રતિ કિલો છે. જોકે, સરકારી ડેટા કહે છે કે ઉત્તર પ્રદેશના ગોરખપુર અને કર્ણાટકના બેલ્લારીમાં ટામેટાની કિંમત 122 રૂપિયા પ્રતિ કિલો નોંધાઈ છે.

આ પણ વાંચો:effects/પહેલી જુલાઈથી થઈ રહ્યા છે આ ફેરફારો, જાણો તમારા પર શું થશે અસર

આ પણ વાંચોઃ Election-Pawar/ લોકસભા ચૂંટણીને લઈને પવારે કર્યુ મહત્વનું નિવેદન

આ પણ વાંચોઃ World Cup 2023/ IPLએ આપ્યો મોટો ઝટકો, આ મોટો ખેલાડી વર્લ્ડકપમાંથી થઈ શકે છે બહાર

આ પણ વાંચોઃ નવી દિલ્હી/ કેજરીવાલ સરકારના મંત્રીઓના વિભાગમાં ફેરબદલની તૈયારી, LGને મોકલી ફાઇલ