વિશ્વભરમાં લાખો Instagram યુઝર્સ છે. નાના બાળકો પણ તેનો ઉપયોગ કરે છે. મેટા નાના બાળકો માટે ફેસબુક અને ઇન્સ્ટાગ્રામ પર નવી ગોપનીયતા અને સલામતી સુવિધાઓ પર કામ કરી રહી છે. કંપનીએ અગાઉ એવા ફીચર્સ લોન્ચ કર્યા છે જે બાળકોને પ્લેટફોર્મ પર જોઈ રહેલા કન્ટેન્ટ અને સર્ચ ટર્મ્સને નિયંત્રિત કરવાની મંજૂરી આપે છે. હવે કંપની વધુ એક નવું અપડેટ લાવ્યું છે. જ્યારે બાળકો મોડી રાત્રે ઇન્સ્ટાગ્રામનો ઉપયોગ કરે છે ત્યારે કંપનીએ નોટિફિકેશન અને પેરેંટલ સુપરવિઝન જેવી નવી સુવિધાઓ રજૂ કરી છે. આ સુવિધા નાના બાળકોના માતાપિતા માટે ઉપયોગી સાબિત થઈ શકે છે. આવો અમે તમને આ ફિચર્સ વિશે વિગતવાર જણાવીએ.
Nighttime Nudge
બાળકો ઘણીવાર સોશિયલ મીડિયા પર કલાકો સુધી સ્ક્રોલ કરતા રહે છે. ખાસ કરીને ઈન્સ્ટાગ્રામ પર તેઓ કલાકો સુધી રીલ જોતા રહે છે. આ આદતને કારણે તેમને ઘણી વખત પૂરતી ઊંઘ નથી આવતી. આને દૂર કરવા માટે, મેટા એક નવું અપડેટ લાવ્યું છે. બાળકોની ઊંઘની આદતોને પ્રોત્સાહન આપવા માટે Instagram એક નવું ફીચર “Nighttime Nudges” રજૂ કરી રહ્યું છે. જ્યારે પણ બાળકો મોડી રાત્રે રીલ્સ અથવા ડાયરેક્ટ મેસેજ પર 10 મિનિટથી વધુ સમય વિતાવે છે, ત્યારે આ ફીચર તેમને તે સમયની યાદ અપાવશે. તે બાળકોને રાત્રે સૂવા માટે પણ પ્રોત્સાહિત કરશે.
Messenger પર પેરેંટલ સુપરવિઝન ટૂલ
માહિતી અનુસાર, ગયા વર્ષે મેટાએ પેરેંટલ સુપરવિઝન ટૂલની જાહેરાત કરી હતી. આ સાધનો માતાપિતાને તેમના બાળકોના મેસેન્જર એપના ઉપયોગની ઊંડી સમજ આપવા માટે વિકસાવવામાં આવ્યા છે. આ સુવિધા યુવાન પ્રેક્ષકોની પ્રાઈવસીને મજબૂત કરવા માટે ,વિતાવેલા સમયને ટ્રેક કરવા, સંપર્કો પર અપડેટ્સ પ્રાપ્ત કરીવા અને પ્રાઈવસી સેટિંગ્સને એડજસ્ટ કરવા માટે ડિઝાઇન કરવામાં આવી છે. આ ટૂલ્સ સૌપ્રથમ અમેરિકા, બ્રિટન અને કેનેડામાં લોન્ચ કરવામાં આવ્યા હતા. હવે તેને Facebook, Instagram અને Messenger પર પણ લાવવામાં આવી રહ્યું છે.
આ પણ વાંચો:ટેકનોલોજી/iPhone 15 Proને ટક્કર આપશે સેમસંગનો આ નવો ફોન, જાણો વિશેષતા
આ પણ વાંચો:Cyber Fraud/સરકારે જારી કરી ચેતવણી, એક કોડથી હેક થઈ જશે તમારો ફોન, ભૂલથી પણ આ ભૂલ ન કરો
આ પણ વાંચો:Jio-Airtel Tariff Hike/Jio અને Airtel યુઝર્સને લાગશે ઝટકો, રિચાર્જ પ્લાન થઈ શકે છે મોંઘા, ફ્રી સર્વિસ નહીં મળે
