દક્ષિણ કોરિયા પહેલાથી જ તેના પાડોશી દેશ ઉત્તર કોરિયાની ઉશ્કેરણીજનક કાર્યવાહીથી પરેશાન છે. ઉત્તર કોરિયાએ મિસાઈલ પરીક્ષણ કરીને દક્ષિણ કોરિયામાં ડર જાળવી રાખ્યો છે. આંતરરાષ્ટ્રીય મોરચે સંઘર્ષ કરી રહેલા દક્ષિણ કોરિયામાં આંતરિક વ્યવસ્થાઓ પણ ઠપ્પ થઈ ગઈ છે. ખાસ કરીને તબીબી વ્યવસ્થાને માઠી અસર થઈ છે. કારણ કે ડોકટરોએ ટોળામાં રાજીનામું આપવાનું શરૂ કર્યું. જાણો તેની પાછળનું કારણ શું છે?
દક્ષિણ કોરિયામાં તાલીમાર્થી ડોકટરોએ સોમવારે સરકારી નીતિના વિરોધમાં સામૂહિક રીતે રાજીનામું આપવાનું શરૂ કર્યું. જેના કારણે હોસ્પિટલોમાં સર્જરી અને અન્ય સારવારમાં વિલંબ થવાના અહેવાલો છે. તબીબી શાળાઓમાં પ્રવેશની સંખ્યામાં 2,000નો વધારો કરવાની સરકારી યોજના પર ડોકટરોનું જૂથ અને સરકાર વચ્ચે તકરાર છે, જે આવતા વર્ષથી અમલમાં આવશે.
દક્ષિણ કોરિયા આ મામલે વિકસિત દેશોથી પાછળ છે
સ્વાસ્થ્ય અધિકારીઓનું કહેવું છે કે દક્ષિણ કોરિયામાં વૃદ્ધોની વધતી સંખ્યાને જોતા વધુ ડોક્ટરોની નિમણૂક કરવી જરૂરી છે. તેમનું કહેવું છે કે વસ્તીના હિસાબે ડોક્ટરોની સંખ્યા નક્કી કરવામાં દેશ વિકસિત દેશોમાં પાછળ છે. પરંતુ ડોકટરોના જૂથો કહે છે કે સરકારે તબીબી ફી વધારવા અને અન્ય સમસ્યાઓના નિવારણ માટે પહેલા ઉપલબ્ધ સંસાધનોનો ઉપયોગ કરવો જોઈએ.
જુનિયર ડોકટરોએ રાજીનામું આપ્યુ
સોમવારે, દેશની પાંચ મોટી હોસ્પિટલોમાં તાલીમાર્થી ડોકટરોએ રાજીનામા પત્રો સબમિટ કરવાનું શરૂ કર્યું. ‘કોરિયા ઈન્ટર્ન રેસિડેન્ટ એસોસિએશન’, આ ડોકટરોના યુનિયન, ગયા અઠવાડિયે કટોકટી બેઠક દરમિયાન સામૂહિક રાજીનામું આપવાનો નિર્ણય લીધો હતો.
આ પણ વાંચોઃઅમેરિકા/ભારતીય મૂળનો આ યુવાન અમેરિકામાં સેનેટની ચૂંટણી લડશે!
આ પણ વાંચોઃદુર્ઘટના/અફઘાનિસ્તાનમાં ભૂસ્ખલન થતા 25 લોકોના મોત, કાટમાળમાં અનેક લોકો દટાયા હોવાની આશંકા
આ પણ વાંચોઃVoting in the UN/ગાઝામાં ઈઝરાયેલ અને હમાસ વચ્ચે યુદ્ધવિરામ થશે? યુએનમાં આવતીકાલે મતદાન થશે, અમેરિકા કરી શકે છે વીટો
