IMD News: આકરી ગરમી બાદ આખરે ચોમાસાનું આગમન થઈ ગયું છે. હવામાન વિભાગે આગાહી કરી છે કે આજે દિલ્હી-NCR, ઉત્તર પ્રદેશ અને બિહારમાં ભારે વરસાદ પડી શકે છે. હવામાન વિભાગે 15 રાજ્યોમાં ભારે વરસાદની સંભાવના વ્યક્ત કરી છે. હવામાન વિભાગે કહ્યું છે કે 30 જૂનથી 3 જુલાઈ વચ્ચે હરિયાણા, ચંદીગઢ અને દિલ્હીમાં અલગ-અલગ સ્થળોએ ભારેથી અતિ ભારે વરસાદ થઈ શકે છે. હવામાન વિભાગના જણાવ્યા અનુસાર, આ સ્થળોએ 64.5-115.5 મીમી વરસાદ પડી શકે છે.
દિલ્હીના હવામાનની વાત કરીએ તો અહીં બે દિવસથી ભારે વરસાદ જોવા મળ્યો હતો. જોકે દિલ્હીના લોકોને રવિવારે સૂર્યપ્રકાશ જોવા મળ્યો, પરંતુ ભેજથી રાહત મળી નથી. દિલ્હીમાં આજે ભારે વરસાદની સંભાવના છે, જેના કારણે તાપમાનનો પારો નીચે આવી શકે છે.
દિલ્હી-NCRમાં આગામી 6 દિવસ સુધી ભારે વરસાદની સંભાવના છે. અહીં ઓરેન્જ એલર્ટ જારી કરવામાં આવ્યું છે. હવામાન વિભાગના જણાવ્યા અનુસાર નોઈડામાં આગામી ત્રણ દિવસમાં રેકોર્ડ વરસાદ થઈ શકે છે. ગૌતમ બુદ્ધ નગર અને અન્ય વિસ્તારોમાં ભારે વરસાદની સંભાવના છે. અહીં મહત્તમ તાપમાન 32 ડિગ્રી સેલ્સિયસ જ્યારે લઘુત્તમ તાપમાન 23 ડિગ્રી સેલ્સિયસ સુધી પહોંચી શકે છે.
ઉત્તર પ્રદેશની વાત કરીએ તો લખનૌ સહિત સમગ્ર રાજ્યમાં ચોમાસું સક્રિય છે, છેલ્લા બે દિવસથી સતત વરસાદ પડી રહ્યો છે. ગોરખપુર, દેવરિયા, સંત કબીરનગરમાં વીજળી પડવાથી 5 લોકોએ જીવ ગુમાવ્યા છે. જ્યારે 22 લોકો દાઝી ગયા હતા.
પૂર્વી ઉત્તરદ પ્રદેશ અંગે હવામાન વિભાગે કહ્યું છે કે 30 જૂનથી 3 જુલાઈની વચ્ચે વિવિધ સ્થળોએ ભારેથી અતિ ભારે વરસાદ પડી શકે છે. આવી સ્થિતિમાં લોકોએ ઘરની બહાર નીકળતી વખતે હવામાનને ધ્યાનમાં રાખવું જોઈએ. હવામાન વિભાગે સોમવારથી બુધવાર સુધી પંજાબ, હિમાચલ પ્રદેશ, ઉત્તર પ્રદેશ, બિહાર, ઝારખંડ, મધ્યપ્રદેશ, ગુજરાત, તેલંગાણા, આંધ્રપ્રદેશ, કર્ણાટક, તમિલનાડુ, પશ્ચિમ બંગાળ, સિક્કિમ, આસામ, મેઘાલયમાં ભારે વરસાદની સંભાવના વ્યક્ત કરી છે.
આ પણ વાંચો: આજથી દેશમાં 3 નવા કાયદા અમલમાં, દેશદ્રોહથી મોબલિંચિંગ સુધી, જાણો કેટલો થયો ફેરફાર
આ પણ વાંચો: 1 જુલાઈથી દેશમાં 3 નવા ફોજદારી કાયદા લાગુ થતા જ નોંધાયો પ્રથમ કેસ, FIR લખવાની પદ્ધતિ બદલાઈ
આ પણ વાંચો: લોનાવાલામાં ઝરણાંના વહેણમાં તણાયો પરિવાર, મહિલા સહિત 4 બાળકોના થયા મૃત્યુ, જુઓ વીડિયો