New Delhi News: સુપ્રીમ કોર્ટે ગુરુવારે જિલ્લા ન્યાયાધીશોની પેન્શન સંબંધિત ફરિયાદો અંગેની અરજી પર સુનાવણી કરી. આ દરમિયાન ચીફ જસ્ટિસ ડીવાય ચંદ્રચુડની અધ્યક્ષતાવાળી બેંચે કેન્દ્રને આ મામલાને જલ્દી ઉકેલવા જણાવ્યું હતું. સુનાવણી દરમિયાન ચીફ જસ્ટિસ ડીવાય ચંદ્રચુડે કહ્યું હતું કે જિલ્લા ન્યાયતંત્રના સંરક્ષક તરીકે, અમે તમને (એટર્ની જનરલ અને સોલિસિટર જનરલ)ને અપીલ કરીએ છીએ કે આ મામલામાં એમિકસ ક્યૂરી સાથે બેસીને આ મુદ્દાનો ઉકેલ શોધો.

કે ઘણા પેન્શન મામલા ગંભીર છે. કેન્સરથી પીડિત જિલ્લા ન્યાયાધીશનું ઉદાહરણ આપતા મુખ્ય ન્યાયાધીશે કહ્યું કે ઘણા જિલ્લા ન્યાયાધીશોએ પેન્શન સંબંધિત ફરિયાદો ઉઠાવતી અરજીઓ દાખલ કરી છે. આ કેસની સુનાવણી કરી રહેલી બેન્ચમાં ચીફ જસ્ટિસ ઉપરાંત જસ્ટિસ જેબી પારડીવાલા અને જસ્ટિસ મનોજ મિશ્રા પણ સામેલ છે.

ખંડપીઠે કહ્યું કે ‘જિલ્લા ન્યાયાધીશને માત્ર 15,000 રૂપિયાનું પેન્શન મળી રહ્યું છે. સામાન્ય રીતે જજ ડિસ્ટ્રિક્ટ જજમાંથી બઢતી મેળવીને હાઈકોર્ટમાં આવે છે, પરંતુ તેઓ પણ 56-57 વર્ષની ઉંમરે આવે છે અને પછી તેમને દર મહિને 30 હજાર રૂપિયાનું પેન્શન મળે છે.

મુખ્ય ન્યાયાધીશે કહ્યું કે હાઈકોર્ટના બહુ ઓછા ન્યાયાધીશોને આર્બિટ્રેશનના કેસ મળે છે અને તે ઉપરાંત 60 વર્ષની ઉંમરે તેઓ કાયદાની પ્રેક્ટિસ પણ કરી શકતા નથી. એટર્ની જનરલ આર વેંકટરામણી અને સોલિસિટર જનરલ તુષાર મહેતા, કેન્દ્ર તરફથી હાજર થઈને, જિલ્લા અદાલતના ન્યાયાધીશોના પેન્શન પાસાઓને લગતા મુદ્દા પર દલીલ કરવા માટે થોડો સમય માંગ્યો હતો.

જે બાદ ખંડપીઠે સુનાવણી 27 ઓગસ્ટ સુધી ટાળી દીધી હતી. તમને જણાવી દઈએ કે ઓલ ઈન્ડિયા જજ એસોસિએશને સુપ્રીમ કોર્ટમાં અરજી દાખલ કરીને જજોના પેન્શનનો મુદ્દો ઉઠાવ્યો હતો. સુપ્રીમ કોર્ટના એમિકસ ક્યુરી તરીકે કોર્ટને મદદ કરી રહેલા એડવોકેટ કે પરમેશ્વરાએ જણાવ્યું હતું કે ઘણા રાજ્યોએ ન્યાયિક અધિકારીઓને બાકી પેન્શન અને અન્ય નિવૃત્તિ લાભોની ચુકવણી પર બીજા રાષ્ટ્રીય ન્યાયિક પગાર પંચ (SNJPC) ની ભલામણોનું પાલન કર્યું છે.

આ પણ વાંચો:પુત્રીને અંતરંગ પળો માણતા જોઈ માતાએ, તો થઈ ગઈ હત્યા

આ પણ વાંચો:સંસદમાં વકફ બોર્ડ બિલ રજૂ, કોંગ્રેસે કહ્યું- આ અધિકારો પર હુમલો છે

આ પણ વાંચો:જીરકપુરમાં સગીરે કરી આત્મહત્યા, આખરે શું થયું હતું…