Himachal News: સામાન્ય રીતે ભારતમાં છોકરીઓના લગ્ન માટે લઘુત્તમ વય 18 વર્ષ છે. ભારતમાં છોકરીઓના લગ્નની લઘુત્તમ ઉંમર વધારવાની માંગ ઘણા સમયથી થઈ રહી છે. હવે હિમાચલ પ્રદેશે આ દિશામાં મોટું પગલું ભર્યું છે. હિમાચલ પ્રદેશમાં છોકરીઓના લગ્નની લઘુત્તમ ઉંમર 21 વર્ષ કરવા માટેનું બિલ વિધાનસભામાં પસાર કરવામાં આવ્યું છે. આ સંદર્ભમાં આજે વિધાનસભામાં હિમાચલ પ્રદેશ બાળ લગ્ન પ્રતિબંધ બિલ-2024 પસાર કરવામાં આવ્યું હતું.
મંગળવારે ચોમાસુ સત્રમાં, આરોગ્ય, સામાજિક ન્યાય અને અધિકારિતા પ્રધાન ધનીરામ શાંડિલે બાળ લગ્ન પ્રતિબંધ (હિમાચલ પ્રદેશ સંશોધન બિલ, 2024) રજૂ કર્યું હતું. ચર્ચા વિના સર્વાનુમતે પસાર કરવામાં આવ્યું હતું. હવે આ બિલ રાજ્યપાલને મંજૂરી માટે મોકલવામાં આવશે. અત્યાર સુધી રાજ્યમાં છોકરીઓના લગ્ન માટે લઘુત્તમ વય 18 વર્ષ છે. રાજ્ય સરકાર તેમાં ત્રણ વર્ષનો વધારો કરી રહી છે. તેના સુધારેલા ડ્રાફ્ટને રાજ્ય કેબિનેટે સાત મહિના પહેલા મંજૂરી આપી હતી. આજે ગૃહમાં સંશોધન બિલ પસાર કરવામાં આવ્યું હતું.
બજેટ સત્રમાં ગૃહમાં બિલ રજૂ કરવામાં આવ્યું હતું, પરંતુ પસાર થયું ન હતું. કમિટી બનાવીને ખરડાના ડ્રાફ્ટમાં ઘણી જોગવાઈઓ સુધારવામાં આવી છે. હવે આ બિલ કાયદા વિભાગને મોકલવામાં આવશે. જે બાદ તે રાજ્યપાલની મંજૂરી માટે જશે. તે કેન્દ્ર અને રાજ્યનો સંયુક્ત વિષય હોવાથી, તેને કેન્દ્રીય સામાજિક ન્યાય અને અધિકારીતા મંત્રાલય દ્વારા પણ નિરીક્ષણ માટે મોકલી શકાય છે. કાયદાના નિષ્ણાતો સાથે આ અંગે ચર્ચા કરી રહ્યા છીએ.
આ પણ વાંચો:એકે પ્રાઈવેટ પાર્ટમાં નાખ્યું લાલ મરચું અને બીજાએ નાખ્યું લાકડું, શરમજનક તસવીર
આ પણ વાંચો:‘CBIએ કંગના રનૌતની ધરપકડ કરવી જોઈએ’, પ્રિયંકા ચતુર્વેદીએ પોતાના વિવાદિત નિવેદનને લઈને કરી મોટી માંગ
આ પણ વાંચો:સુપ્રીમ કોર્ટે કે. કવિતાને આપ્યા શરતી જામીન, 5 મહિનાથી જેલમાં હતા કેદ
