Maratha Reservation Protest Agitation Update: મહારાષ્ટ્રમાં મરાઠા અનામતનો મુદ્દો ફરી એકવાર ચર્ચાના કેન્દ્રમાં આવ્યો છે. કોકરોચ જનતા પાર્ટી એટલે કે CJPના સંસ્થાપક અભિજિત દીપકેએ મરાઠા અનામત આંદોલનના નેતા મનોજ જરાંગે પાટિલ સાથે મુલાકાત કરીને તેમને સમર્થન આપ્યું છે. જરાંગે પાટિલ 29 ઓગસ્ટથી જાલનાના અંતરવાળી સરાટી ખાતે પોતાની વિવિધ માંગણીઓને લઈને અનિશ્ચિત મુદતના ઉપવાસ પર બેઠા છે.

સરકારને દીપકેની કડક ચેતવણી

મનોજ જરાંગે સાથે મુલાકાત બાદ અભિજિત દીપકેએ મહારાષ્ટ્ર સરકારને(Maratha Reservation Protest) ચેતવણી આપી હતી. તેમણે કહ્યું કે જો જરાંગે પાટિલને બળજબરીથી આંદોલન સ્થળ પરથી હટાવવાનો પ્રયાસ કરવામાં આવશે તો તેના ગંભીર પરિણામો આવી શકે છે. તેમના દાવા મુજબ આવી સ્થિતિ સર્જાશે તો મોટી સંખ્યામાં લોકો આંદોલન સ્થળે પહોંચી શકે છે. દીપકેએ સરકારને અપીલ કરી કે ટકરાવની સ્થિતિ ઊભી કરવાને બદલે જરાંગે પાટિલ સાથે સીધી વાતચીત કરવામાં આવે.

સોનમ વાંગચુકનો ઉલ્લેખ

દીપકેએ દિલ્હી પોલીસ દ્વારા સોનમ વાંગચુકના ભૂખ હડતાળના સ્થળેથી કરવામાં આવેલી કાર્યવાહીની સરખામણી મહારાષ્ટ્રની(Maratha Reservation Protest) સ્થિતિ સાથે કરી હતી. તેમણે કહ્યું કે મહારાષ્ટ્રમાં મનોજ જરાંગે પાટિલ સામે આવી કોઈ બળજબરીની કાર્યવાહી સ્વીકારવામાં આવશે નહીં. તેમના મતે સરકાર દ્વારા વાતચીતના માધ્યમથી જ આ મુદ્દાનો ઉકેલ શોધવો જોઈએ. અભિજિત દીપકેએ કહ્યું કે મનોજ જરાંગે પાટિલનું આંદોલન માત્ર અનામત પૂરતું મર્યાદિત નથી, પરંતુ મરાઠા સમાજના યુવાનો માટે શિક્ષણ અને રોજગારની તકો સાથે પણ જોડાયેલું છે. તેમણે ગ્રામ્ય વિસ્તારોમાં સરકારી શાળાઓની સ્થિતિ અંગે પણ સવાલ ઉઠાવ્યા. તેમણે પ્રથમેશ દેશમુખનો ઉલ્લેખ કરતાં કહ્યું કે તેજસ્વી યુવાનોને યોગ્ય શૈક્ષણિક સુવિધાઓ અને તકો મળે તે જરૂરી છે.

સરકારનો દાવો શું છે?

બીજી તરફ, મુખ્યમંત્રી દેવેન્દ્ર ફડણવીસે અગાઉ દાવો કર્યો હતો કે સરકારે મનોજ જરાંગે પાટિલની મોટાભાગની માંગણીઓ અંગે પગલાં લીધાં છે. મંત્રી રાધાકૃષ્ણ વિખે પાટિલે પણ મરાઠા સમાજ(Maratha Reservation Protest) માટે સરકાર દ્વારા મહત્વપૂર્ણ નિર્ણયો લેવામાં આવ્યા હોવાનું જણાવ્યું હતું. તેમાં પાત્ર મરાઠા યુવાનોને OBC શ્રેણીમાં સામેલ કરવા માટે કુનબી પ્રમાણપત્ર મેળવવાની પ્રક્રિયા સરળ બનાવવાનો પણ સમાવેશ થાય છે. સરકારના જણાવ્યા પ્રમાણે SEBC કોટા હેઠળ અત્યાર સુધીમાં 3.5 લાખથી વધુ યુવાનોને લાભ મળ્યો છે. હવે જરાંગે પાટિલના આંદોલન અને સરકાર વચ્ચેની વાતચીત કઈ દિશામાં આગળ વધે છે તેના પર મહારાષ્ટ્રની રાજનીતિમાં સૌની નજર છે.

આ પણ વાંચો: સોનમ વાંગચૂકે જંતર-મંતર આંદોલન, વિદ્યાર્થીઓના અપશબ્દો અને ઝારખંડ મુદ્દે આપી પ્રતિક્રિયા

આ પણ વાંચો: ભારતના સોનમ વાંગચૂક અને ભારત વટવાનીને મળ્યો રેમન મેગ્સેસે એવોર્ડ

આ પણ વાંચો: જંતર-મંતર પર CJPના સમર્થકોને પોલીસે હટાવ્યા, સંસદ નજીક હંગામા બાદ સુરક્ષા કડક