New Delhi  News:દિલ્હીના પાલમ એરપોર્ટ પર દુનિયાભરની  આંખો ટકી હતી. PM મોદીએ પ્રથમ વખત પુતિનને અવકારવા માટે પહેલીવાર પ્રોટોકોલ તોડ્યો હતો અને રશિયાના રાષ્ટ્રપતિનું સ્વાગત કરવા માટે વ્યક્તિગત રીતે એરપોર્ટ ગયા હતા. પીએમ મોદીએ ભારતમાં પુતિનનું ઉષ્માભર્યું સ્વાગત કર્યું અને બંને નેતાઓ એક જ કારમાં PMના નિવાસસ્થાન માટે રવાના થયા.

પુતિન સાથે પીએમ મોદીની મિત્રતા જાણીતી છે. આનું એક ઉદાહરણ ગઈકાલે સાંજે પાલમ એરપોર્ટ પર જોવા મળ્યું હતું. ક્યારેય કોઈની કારમાં ન બેઠેલા રશિયાના રાષ્ટ્રપતિ વ્લાદિમીર પુતિન પહેલીવાર પોતાની કારમાં પીએમ મોદીના ઘરે ગયા હતા. પરંતુ, શું તમે જાણો છો કે આ મિત્રતાનો પાયો સદીઓ જૂનો છે.

24 વર્ષ પહેલા થઈ હતી મુલાકાત

PM મોદી અનેરશિયાના રાષ્ટ્રપતિ વ્લાદિમીર પુતિન વચ્ચે પહેલી મુલાકાત 24 વર્ષ પહેલા થઈ હતી. તે સમયે મોદી ગુજરાતના મુખ્યમંત્રી અને પુતિન રશિયાના રાષ્ટ્રપતિ હતા. 2014 પછી PM મોદીની રશિયાની આ ચોથી મુલાકાત છે.

વર્ષ 2001માં તત્કાલીન પ્રધાનમંત્રી અટલ બિહારી વાજપેયીએ મોસ્કોની મુલાકાત લીધી હતી. આ દરમિયાન ભારત અને રશિયા વચ્ચે દ્વિપક્ષીય બેઠક થઈ હતી. આ બેઠકને ભારત-રશિયા સંબંધોના મજબૂત પાયા તરીકે જોવામાં આવી રહી છે. આ પ્રસંગે ગુજરાતના મુખ્યમંત્રી નરેન્દ્ર મોદી પણ ઉપસ્થિત રહ્યા હતા.

ગુજરાત પહોંચ્યા PM મોદી

તે સમયે મોદી વાજપેયી સરકારનો ભાગ હતા. PM મોદીની આર્કાઇવ ફોટોમાં પુતિન સાથેની તેમની પ્રથમ મુલાકાતની તસવીરો જોઈ શકાય છે. આ સમયે PM નરેન્દ્ર મોદી પણ ગૃહમાં હાજર હતા. બંને દેશોએ સંરક્ષણ, સુરક્ષા, વિજ્ઞાન અને ટેકનોલોજીના ક્ષેત્રોમાં સમજૂતીઓ પર હસ્તાક્ષર કર્યા.

છેલ્લા નવ વર્ષમાં રશિયાના રાષ્ટ્રપતિ વ્લાદિમીર પુતિનની ચોથીવાર ભારત મુલાકાત 

સાથે જ પીએમ મોદી અને પુતિન વચ્ચેની મિત્રતાનો પાયો પણ નાખવામાં આવ્યો હતો. પીએમ મોદી વડાપ્રધાન બન્યા બાદ પુતિન 2014,2018 અને 2021માં ભારતની મુલાકાતે આવી ચૂક્યા છે. જો કે, પીએમ મોદીએ રશિયાના રાષ્ટ્રપતિ વ્લાદિમીર પુતિનને એરપોર્ટ પર આવકારવા માટે ક્યારેય પ્રોટોકોલ તોડ્યો ન હતો. આ પહેલીવાર છે જ્યારે પીએમ મોદી પોતે પોતાના મિત્રને આવકારવા એરપોર્ટ પર ગયા હતા.

તેઓ આજે PM મોદી સાથે ઔપચારિક બેઠક કરશે.

રશિયાના રાષ્ટ્રપતિ વ્લાદિમીર પુતિન 23મા ભારત-રશિયા વાર્ષિક શિખર સંમેલનમાં ભાગ લેવા માટે ભારતમાં છે. રશિયાના રાષ્ટ્રપતિ વ્લાદિમીર પુતિનની બે દિવસીય મુલાકાત 4-5 ડિસેમ્બરના રોજ નિર્ધારિત છે. આજે રશિયાના રાષ્ટ્રપતિ વ્લાદિમીર પુતિન અને પીએમ મોદી વચ્ચે ઔપચારિક વાતચીત થશે.