New Delhi News : પૂર્વ PM મનમોહન સિંહના અંતિમ સંસ્કાર 28 ડિસેમ્બરના રોજ દિલ્હીના નિગમ બોધ ઘાટ પર લગભગ 11.45 વાગ્યે સંપૂર્ણ રાજ્ય સન્માન સાથે કરવામાં આવશે. તેમણે 26 ડિસેમ્બરે 92 વર્ષની વયે દિલ્હીની એઈમ્સમાં અંતિમ શ્વાસ લીધા હતા. બે વખત દેશના વડાપ્રધાન રહી ચૂકેલા મનમોહન સિંહની 2 વખત બાયપાસ સર્જરી થઈ હતી અને તેઓ લાંબા સમયથી બીમાર હતા.
મનમોહન સિંહને શ્રદ્ધાંજલિ આપવા માટે શુક્રવારે AICC હેડક્વાર્ટરમાં કોંગ્રેસ વર્કિંગ કમિટીની બેઠક બોલાવવામાં આવી હતી. આ બેઠકમાં કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે(Mallikarjun Kharge), સીપીપી અધ્યક્ષ સોનિયા ગાંધી(Sonia Gandhi), લોકસભાના વિપક્ષના નેતા અને સાંસદ રાહુલ ગાંધી(Rahul Gandhi) અને કોંગ્રેસના અન્ય વરિષ્ઠ નેતાઓ હાજર હતા.
કોંગ્રેસ વતી પાર્ટી અધ્યક્ષે કેન્દ્ર સરકારને પત્ર લખ્યો
બેઠક બાદ કોંગ્રેસના મહાસચિવ અવિનાશ પાંડેએ કહ્યું કે કોંગ્રેસ અધ્યક્ષ મલ્લિકાર્જુન ખડગેએ મનમોહન સિંહના પરિવારને જાણ કરી છે કે તેઓ અંતિમ સંસ્કાર અને સ્મારકના સ્થાનને લઈને કેન્દ્ર સરકારના પ્રતિનિધિઓના સંપર્કમાં છે. કોંગ્રેસના નેતાઓના જણાવ્યા અનુસાર, કોંગ્રેસ વર્કિંગ કમિટીએ પૂર્વ પીએમ ડૉ. મનમોહન સિંહના અંતિમ સંસ્કાર અને સ્મારક માટે તેમના કદ પ્રમાણે યોગ્ય સ્થાન આપવા અંગે ચર્ચા કરી હતી. કોંગ્રેસ વતી પાર્ટી અધ્યક્ષે આ તમામ માંગણીઓ સાથે કેન્દ્ર સરકારને પત્ર પાઠવ્યો છે.
મલ્લિકાર્જુન ખડગેએ પીએમ નરેન્દ્ર મોદી અને ગૃહ મંત્રાલયને પત્ર મોકલ્યો છે
મલ્લિકાર્જુન ખડગેએ પીએમ નરેન્દ્ર મોદી અને ગૃહ મંત્રાલયને મોકલેલા પત્રમાં લખ્યું છે કે પૂર્વ વડાપ્રધાન મનમોહન સિંહના અંતિમ સંસ્કાર ત્યાં જ કરવામાં આવે જ્યાં તેમનું સ્મારક બની શકે. કેન્દ્ર સરકારે પૂર્વ વડાપ્રધાનના નિધન પર 7 દિવસનો રાષ્ટ્રીય શોક જાહેર કર્યો છે. મનમોહન સિંહે તેમના કાર્યકાળ દરમિયાન માહિતીનો અધિકાર, શિક્ષણનો અધિકાર, રાષ્ટ્રીય ખાદ્ય સુરક્ષા કાયદો અને જમીન સંપાદન કાયદા સહિત ઘણા મુદ્દાઓ પર કામ કર્યું.
આ પણ વાંચો: 1991માં 1000 પોઈન્ટનો હતો સેન્સેક્સ,ત્યારપછી મનમોહન સિંહે લીધો આ નિર્ણય…અને બજાર ઉછળ્યું
આ પણ વાંચો: PM નરેન્દ્ર મોદી સહિત દિગ્ગજ નેતાઓએ ભૂતપૂર્વ વડાપ્રધાન મનમોહન સિંહના નિધન પર શોક વ્યક્ત કર્યો
આ પણ વાંચો: ભૂતપૂર્વ વડાપ્રધાન ડો. મનમોહન સિંહના નિધન પર દેશમાં 7 દિવસનો રાષ્ટ્રીય શોક
