ઉત્તરપ્રદેશ(UP)ના પ્રયાગરાજમાં મહાકુંભ માટે જોરદાર તૈયારીઓ કરવામાં આવી રહી છે. આ મહાકુંભમાં ભાગ લેવા માટે 40 કરોડ લોકો આવી શકે તેવો અંદાજ છે. કહેવામાં આવી રહ્યું છે કે 29 જાન્યુઆરીએ મૌની અમાવસ્યા છે, આ દિવસે જ ચાર કરોડ લોકો આવવાની સંભાવના છે. જ્યારે આટલી મોટી સંખ્યામાં લોકો એકઠા થશે ત્યારે ખરાબ નજર ધરાવતા લોકો પણ સક્રિય થશે. જો તમે મહાકુંભમાં જવાની તૈયારી કરી રહ્યા છો, તો આ સમાચાર ચોક્કસ વાંચો અને લોકો સાથે શેર પણ કરો કારણ કે છેતરપિંડી કરનારાઓ ખૂબ સક્રિય થઈ ગયા છે. UP પોલીસે એક વીડિયો શેર કરીને લોકોને ચેતવણી આપી છે.

UP પોલીસે સોશિયલ મીડિયા પર એક શોર્ટ ફિલ્મ શેર કરી છે. આ ફિલ્મ દ્વારા પોલીસે લોકોને ગુંડાઓથી સાવધ રહેવા જણાવ્યું છે. વીડિયો અનુસાર સ્કેમર્સ નકલી વેબસાઇટ બનાવીને તમારી સાથે છેતરપિંડી કરી શકે છે. વીડિયોમાં બતાવવામાં આવ્યું છે કે ઓનલાઈન વેબસાઈટમાં ઘણા લલચાવનારા દાવા જોવા મળે છે, જેના કારણે લોકો આકર્ષાય છે. જો તમે નકલી વેબસાઈટ દ્વારા બુકિંગ કરો છો, તો તમને ન તો હોટેલ મળશે અને ન તો તમે આપેલા નંબર પર કોલ કરી શકશો. આ સિવાય પણ ઘણી જગ્યાએ QR કોડ ઇન્સ્ટોલ કરી શકાય છે. આવા QR કોડને બિલકુલ સ્કેન કરશો નહીં. વીડિયોમાં બતાવવામાં આવ્યું છે કે એક વ્યક્તિએ QR સ્કેન કરતા જ તેના એકાઉન્ટમાંથી હજારો રૂપિયા નીકળી ગયા હતા. મહાકુંભ દરમિયાન કઈ રીતે છેતરપિંડી થઈ શકે છે તેવો સંદેશ વીડિયો દ્વારા આપવાનો પ્રયાસ કરવામાં આવ્યો છે.

महाकुंभ में आस्था की डुबकी लगाएं, लेकिन साइबर स्कैम के जाल में न फंसें!
सिर्फ पंजीकृत वेबसाइट से बुकिंग कराएं, वरना साइबर ठग आपका ठिकाना भी गायब कर सकते हैं।
सतर्क रहें, सुरक्षित रहें!

प्रयागराज महाकुंभ में ठहरने के अधिकृत स्थानों की सूची निम्न लिंक से डाउनलोड… pic.twitter.com/9X6XzY7nxy

— UP POLICE (@Uppolice) January 5, 2025

મહાકુંભમાં આવનાર પ્રવાસીઓને કહેવામાં આવ્યું છે કે જો તેઓ ઓનલાઈન મોડ દ્વારા આવાસની વ્યવસ્થા કરી રહ્યા છે, તો તેઓ સત્તાવાર વેબસાઈટ https://kumbh.gov.in/ પર જઈને બુકિંગ કરાવી શકે છે. આ સાથે પોલીસે એવી હોટલોની યાદી શેર કરી છે જ્યાં લોકો રોકાઈ શકે છે. પ્રયાગરાજ મહાકુંભ-2025ને નિશાન બનાવવાનું ષડયંત્ર રચવામાં આવ્યું છે. ઈન્ટેલિજન્સ બ્યુરો (IB) અને લોકલ ઈન્ટેલિજન્સ યુનિટ (LIU) એ યુપીના ગૃહ વિભાગને એક ગોપનીય રિપોર્ટ મોકલ્યો છે. જેમાં કહેવામાં આવ્યું હતું કે કેટલાક આતંકવાદી સંગઠન મહાકુંભને નિશાન બનાવી શકે છે. રિપોર્ટમાં દાવો કરવામાં આવ્યો છે કે ખાલિસ્તાની અને પાકિસ્તાની આતંકવાદીઓ પ્રોક્સી દ્વારા મહાકુંભને નિશાન બનાવી શકે છે.

આ પણ વાંચો: કુંભ મેળામાં કોણ આપી રહ્યું છે બ્લાસ્ટની ધમકી? જાણો કેવી રીતે પોલીસ સંડોવાઈ અને શા માટે ઘડવામાં આવ્યું કાવતરું?

આ પણ વાંચો: વારાણસીમાં જોવા મળશે મહાકુંભની અસર, કાશી વિશ્વનાથ આરતીનો સમય બદલાશે, મંદિરે જાહેર કર્યું સમયપત્રક

આ પણ વાંચો: ઈન્ફ્લુએન્સરે બનાવ્યું રેતી પર મહા કુંભમેળાનું મોડેલ, જોઈને દંગ રહી જશો