Rajasthan News: રાજસ્થાન(Rajasthan)ના મહેંદીપુર (Mahendipur) બાલાજીના દર્શન માટે ગયેલા દહેરાદૂન (Daheradun)ના એક પરિવારના ચાર લોકોના શંકાસ્પદ સંજોગોમાં મોત થયા હતા. મૃતકોમાં દંપતિ અને તેમના પુત્ર અને પુત્રીનો સમાવેશ થાય છે. મૃતદેહો બાલાજી ધામ પાસેની ધર્મશાળાના રૂમમાં મૃતદેહો મળી આવ્યા હતા. રાજસ્થાન પોલીસ તેને સામૂહિક આત્મહત્યા માની રહી છે. જોકે જહર ખુરાની ગેંગ પર પોલીસ શંકા વ્યક્ત કરી રહી છે.
આ ઘટના 12 જાન્યુઆરીએ ઘટી હતી. રાજસ્થાન પોલીસ દ્વારા મૃતદેહોની ઓળખ કર્યા બાદ દહેરાદૂન પોલીસને મંગળવારે ઘટના અંગે જાણ કરવામાં આવી હતી. એસએસપી દેહરાદૂન અજય સિંહે આ વાતની પુષ્ટિ કરી છે.
મૃતકોની ઓળખ સુરેન્દ્ર કુમાર ઉપાધ્યાય (52), તેમની પત્ની કમલેશ (48), પુત્રી નીલમ ઉપાધ્યાય અને રાયપુરના બંગખાલા ચકતુનવાલાના પુત્ર નીતિન ઉપાધ્યાય તરીકે થઈ છે. પરિવાર ચાર દિવસ પહેલા જ દહેરાદૂન છોડી ગયો હતો. જણાવવામાં આવી રહ્યું છે કે કર્મચારી મહેદીપુરની રામકૃષ્ણ ધર્મશાળામાં રૂમ નંબર 119 સાફ કરવા આવ્યો હતો. તેણે જોયું કે રૂમમાં બે લોકો બેડ પર અને બે જમીન પર બેભાન પડ્યા હતા.
જ્યારે પોલીસે ઘટનાસ્થળે પહોંચીને ડોક્ટરોને બોલાવ્યા તો તેઓએ તમામને મૃત જાહેર કર્યા. કેટલાકના મોંઢામાંથી ફીણ નીકળી રહ્યું હતું. રાજસ્થાન પોલીસ પ્રાથમિક દ્રષ્ટિએ તેને સામૂહિક આત્મહત્યા માની રહી છે.
સ્થાનિક પોલીસના જણાવ્યા અનુસાર નીતિન ઉપાધ્યાય ઓર્ડિનન્સ ફેક્ટરીમાં નિયમિત કર્મચારી હતો. જ્યારે તેના પિતા ઓફિસરની કાર ચલાવતા હતા. નીતિનની બહેન નીલમ પરિણીત છે. પરંતુ તે તેના સાસરિયાઓથી અલગ થઈને તેના મામાના ઘરે રહે છે. આ રૂમ નીતિનના નામે જ બુક કરવામાં આવ્યો હતો.
આ પણ વાંચો:પત્નીના ત્રાસથી કરી પતિએ આત્મહત્યા, આપઘાત પૂર્વે મિત્રને મોકલ્યું ઓડિયો રેકોર્ડિંગ
આ પણ વાંચો:પિતાએ બપોરે સૂઈ જવાને બદલે અભ્યાસ કરવા ઠપકો આપતા યુવતીની આત્મહત્યા
આ પણ વાંચો:પ્રખ્યાત રેડિયો જોકી સિમરને કેમ કરી આત્મહત્યા? પરિવારે આટલું જ કહ્યું; છેલ્લી પોસ્ટ 13 દિવસ પહેલા
